ایش زمینه‌سی یره‌تیلمه‌گنی، ییگیت‌لرنینگ حکومت‌ده سهمیه‌سی بولمهگنلیگی و بولر ظرفیتی کوتاریلیشی اوچون زمینه یره‌تیلمه‌گن‌لیگی دلیل، حاضرگی حکومت‌دن ناراض‌لیکلر کوپه‌یب ییگیت‌لرنی اولکه‌دن چیقیش‌لریگه سبب بولگن.
شو سونگی‌ده افغانستان سیلاو تیکشیروو موسسه‌سی، ییگیت‌لر وضعیتی قنقه‌لیگی باره‌سیده اولکه ییریک ولایت‌لریده تیکشیروو اوتکزگن ایکن.
اوشبو موسسه باشلیغی حبیب‌الله شینواری بلخ ولایتی‌ده‌گی ییگیت‌لر وضعیتی‌نی کوریش اوچون بارگن ایکن، ایش سیزلیک و امنیت بولمهگنلیگی نینگ ییگیت‌لر اساسی قیینچی‌لیکلریدن بیله‌دی.
جناب شینواری‌نینگ بیلدیریشیچه، ییگیت‌لرگه سهم بیریش سیلاوده‌گی نامزدلرنینگ رأی آلیش اوچون شعارلری بولگن ایکن.
او کابل، ننگرهار و بلخ ولایت‌لریده‌گی ایش سیزلیک و موجود ناتینچ‌لیکلر، ییگیت‌لر ییریک قیینچی‌لیکلریدن ایکن‌لیگینی اورغولیدی.
جناب شینواری‌نینگ ایتیشیچه، اولرنینگ تیکشیرووی‌گه قره‌گنده، حاضرگه قدر حکومت‌نینگ ییگیت‌لر اوچون انیق لایحه‌سی بولمهگنلیگی دلیل، اولکه دن چیقیب کیتیش‌گه تن آلگن‌لر.
بولرنینگ تیکشیرووی اساسی‌ده، ییگیت‌لرنینگ75 دن 80 فایزی حکومت ایشلریدن راضی ایمس‌لر.
پارلمانده‌گی بلخ نماینده‌لریدن بیری برشنا ربیع‌گه کوره، نه فقط ملی بیرلیک حکومتی، بل‌کیم آلدینگی حکومت هم ییگیت‌لرگه سهم بیرمه‌گن ایکن.
خانم ربیع‌نینگ بیلدیریشیچه، حکومت چهارچوبه‌سیده ییگیت‌لر اورنی بوشلیگی و اولرنینگ اولکه‌دن چیقیب کیتیش‌لری، اوشبو قتلمده ییریک جفا دیر. اوشبو جفا کیله‌سی نیچه ییلدن کیین انیقلنه‌دی.
شونینگ‌دیک بلخ‌ده‌گی ییگیت‌لردن کوپیسی حیاتلری‌نینگ حاضرگی وضعیتی و موجود قیینچی‌لیکلردن خواطربیلدیره‌دیلر.
ییگیت‌لراوچون ایری بیر وزیرلیک آچیلیشی، معمالر ییچیلیشی اوچون آلینه‌دیگن تصمیم‌لرده ییگیت‌لرگه سهم بیریش، جمهورلیک ریاست سیلاویده‌گی نامزدلرنینگ ییگیت‌لر اوچون بیرگن وعده‌لریدن ایدی، بیراق حاضرگه قدر اوشبو وعده‌لر عمل‌گه آشیریلیشی‌دن قیسی خبر یوق.
اجتماعی ایش بیلرمانلرگه کوره، ییگیت‌لرنینگ ایسته‌گی‌گه ییتیشیلمه‌گن‌لیک، اولرنی اولکه‌دن چیقیش‌گه مجبور قیلگن و اوشبو آقیم شونقه دوام تاپگن صورتده، کیله‌جک‌ده کوپلب قیینچیلیکلر بیلن روپه‌ره بولیش ممکن.
