افغانستان قاچقینلر ایش‌لری بوییچه وزیرلیک بیر خبرنامه یوللب مذکور وزیرلیک‌ده «معلوماتی بانک» ایجاد ایتیلگن‌لیگی‌دن خبر بیرگن.
اوشبو مرکز قاچیقین‌لر خلق ارا تشکیلاتی همکارلیگی بیلن ایجاد بولگن. بو مرکز قاچیقین‌لر، وطن‌گه قیتگن مهاجرلر و اولر اوچون ترقه‌تیلگن ییرلرنی رویخط‌گه آله‌دی.
وزیرلیک‌نینگ خبرنامه‌سیده یازیلیشیچه، مذکور بانک افغانستان بولیب آواره بولگن‌لر همده مهاجر بولگن‌لر، مذکور وزیرلیک‌نی خارج‌ده‌گی نماینده‌لیک‌لری، افغانستان ایلچی‌لیک‌لری بو توغریده همکارلیک قیله‌دیگن تشکیلات‌لرنینگ معلوماتلرینی جمع لب تحلیل و تجزیه قیلگن‌دن سونگ افغانستان مهاجر وزیرلیگی بیلن همکارلیک قیله دیگن برچه اداره‌لر اختیاریگه قویه‌دی.
شونینگ‌دیک مذکور وزیرلیک اوشبو مرکز معلوماتلرینی هر بیر آیده معلوم قیله‌دی دیگن. شونینگ‌دیک بو بانک هکرلر نفوذ قیلیشی معلومات‌لرنی اوغیرلش آلدینی هم آله‌دی.
خبرنامه‌گه کوره، بو بانک‌نینگ ایشی اوتگن ییل باشلنگن کیله‌جک‌لرده کینگیتیریلیشی کوتیله‌دی.
افغانستان مهاجرلر وزیرلیگی بیرینچی باسقیچ ده پاکستان وایران‌ده استقامت قیله دیگن قاچقینلر وضعیتی باره‌سی‌ده مذکور مرکز آرقه‌لی معلومات ییغیله‌دی.
افغانستان‌نینگ کوپچی‌لیک مهاجرلری ایران و پاکستان‌ده حیات کیچیره‌دی.
شونینگ‌دیک وزیرلیک، مذکور مملکت‌لرهم افغانستان‌لیک مهاجرلر توغری‌سیده معلومات کیره‌ک بولگن حالده اوشبو مرکز آرقه‌لی هر قنده‌ی معلومات‌گه قول تاپیش‌گه موفق بوله‌دیلر دیگن.
قاچقینلر خلق ارا تشکیلاتی‌نینگ عمومی رییسی همده بو تشکیلات‌نینگ افغانستان اوچون مخصوص نماینده‌سی ریچارد دانزیگرنینگ سوزلریگه کوره، ایجاد ایتیلگن مذکور بانکی ترماق وطن‌گه قیتگن مهاجرلر، اوز ییش اوییدن آواره بولگن‌لر، قاچقینلر اوچون ترقه تیلگن ییرلر توغری‌سیده افغانستان قاچقینلر بوییچه وزیرلیک همده بو وزیرلیک بیلن همکارلیک قیله‌دیگن برچه خلق ارا تشکیلات‌لرگه معلومات بیره‌دی.
شونینگ‌دیک مملکت مهاجرلر وزیرلیگی محلی ارگان‌لر اداره‌سی بیلن هم کیلیشوو امضاله‌گن.
مملکت‌گه قیتگن‌لرگه اوی قوریش اوچون امضالنگن کیلیشوو
باشقه بیر خبرگه کوره، قاچقینلر مساله‌سی بوییچه وزیرلیک محلی ارگان‌لر اداره‌سی و بیرلشگن ملت‌لر تشکیلاتی نینگ اسکان برنامه سی UN Habitat)) بیلن اون میلیون یوروی‌لیک بیر شرطنامه امضاله‌گن.
مهاجرلر ایش‌لری بوییچه وزیر سیدحسین عالمی بلخی نینگ مذکور شرطنامه‌گه قول قوییه دیگن چاغده ایتیشیچه، مذکور مبلغ ایکی بولیم‌گه صرفلنه‌دی. اونگه کوره، مذکور اون میلیون یورودن مملکت‌گه قیتگن بیرمینگ خانه‌دان اوچون یشش بناقوریش و قالگ‌نی ایسه آواره بولگن‌لر اوچون ییش زمینه یره‌تگن منطقه‌لرده صرفلنه‌دی.
افغانستان‌ده بیرلشگن ملت‌لر تشکیلاتی‌نینگ اسکان اداره‌سی سرپرستی متیوفرینچ گه کوره، مذکور لایحه آواره بولگن‌لر همده مملکت‌گه قیتگن مهاجرلر اوچون صرفلنه‌دی.
مذکور برنامه‌نینگ خرجی اروپا اتفاتی تامانیدن توله‌نیله‌دی. ایتیلیشیچه، مذکور لایحه کابل، هرات و ننگرهار ولایت‌لریده عمل‌گه آشیریله‌دی.
