چین، افغانستان حکومتی بیلن طالبلر ارا تینچلیک مذاکره اوتکزیش توغریسیده اوز تیارگرلیگینی معلوم قیلدی.
اوشبو مملکت تشقی ایشلر وزیرلیک سوزلاوچیسی هووا چیونگنینگ (شنبه کون) بیر ییغینده ایتیشیچه، چین هردایم افغانستاندن حمایت قیلگن و حاضرهم حکومت و طالبلر آرهسیده تینچلیک مذاکره اوتکزیلیشی خصوصیده یاردم بیریشگه تیار ایکن.
شونینگدیک، چیننینگ اوشبو ملازمی بو مذاکرهده پاکستان حضورینی خوش قرشیلب ایتیشیچه، سوزلشوو یولی بیلن تینچلیکنی تأمینلش افغانستاندهگی اوروش و ناتینچلیکنی حل ایتیش بیرینچی یول بولهآلهدی.
شوندهی بیرحالده، افغانستان حکومتی و پاکستاننینگ بیرینچی رسمی تینچلیک مذاکرهسی پاکستاننی مری شهریده اوتکزیلدی و شونینگدیک، سونگی اولتیریشی اوتکزیلیشی ایتیلگن ایدی، بیراق طالبلر سابق رهبری ملا عمر اولیمی و ملا اختر محمد منصورنی اونینگ اورنیده تعیینلنگنی توغریسیده ترقهتیلگن خبر باعث، حکومت و طالبلرنینگ تینچلیک مذاکره ایکینچی اولتیریشی آرتده قالدی.
عین حالده، بو گروهنینگ ینگی رهبری ملا اختر محمد منصور، ملا عمر اورنیده تعیین بولگنیدن نیچه کون اوتکنیدن کیین، طالبلر اعضاسیگه افغانستانده جهادنی دوام بیریشگه چقیردی. بو چقیریقدن اونچه اوتمهسی، کابل قانلی حادثهلرگه گواه بولدی.
بو قانلی واقعهلردن بیری کابل شاه شهید منطقهسیده یریم کیچه یوزبیرگن حادثه تیجهده 20 کیشی هلاک بولیب، باشقه 400 دن آشه اهالی یرهلندی.
شونینگدیک، جمهور رییس بیر اولتیریشده، بو واقعهنی کابل- اسلامآباد علاقهسی اوستیگه تاثیرلی بیلیب و اونی اوتکن ییل پشاوردهگی مکتبده یوزبیرگن تروریستی واقعهگه ماسلشتیردی.
او، بو اولتیریشده پاکستاندن اوز توپراغیده بولگن تروریستلر اویهسینی اورتهدن آلیب کیتیشینی سورهدی.
شونینگدیک، جناب غنینینگ اورغولشیچه، افغانستان، پاکستانگه تینچلیک پیام یوبارهدی، بیراق اولر پیام جوابینی اوروش بیلن بیرهدی.
