افغانستان ترانسپورت و هوا یوللر وزیری، مملکت باجخانهلریده درآمدنی ییغیش اوچون الکترونیک سیستم ایجاد قیلیش اوچون حرکت قیله دی و بو ایش بیلن باجخانهلرده در آمدنی 9 فایز آشیرهدی.
مملکت ترانسپورت و هوا یوللر وزیری محمدالله بتاش، ایران و افغانستان اورتهسیدهگی ترانسپورت وضعیتنی تیکشیریش اوچون هراتگه سفر قیلیب، بیر ییغینده ایتیشیچه، آدملرنی اوزگرتیریش فساد آلدینی آلیش اوچون ایجابی ایش ایمس، وزیرلیکنینگ تیکشیروی نتیجهسیده درآمدلرنی جمعلش زمانوی سیستم ایجاد ایتیلیشیگه احتیاجی بار.
جناب بتاشگه کوره، درآمدنی قول بیلن ییغیشدن الکترون سیستم آرقهلی جمعلش دولت درآمدی آشیشیدن تشقری باجخانهلرده فساد آلدینی آلیشگه باعث بولهدی.
شونینگدیک جناب بتاش نقلیه واسطهلر ییللیک کارتینی برقی قیلیش اوچون وزیرلیک تامانیدن ایش باشلنگن دیگن.
عینحالده، ترانسپورت وزیری، وزیرلیک ایشلاووچیلرینی آگاهلنتیریشیچه، فسادنی چیده آلمیدی وزیرلیکنینگ هر بیر ملازمی فسادگه قولگن اورگن حالده قولگه آلینیب قانونگه تاپشیریلهدی.
عینحالده، هرات ولایتینینگ یشاووچیلری همده سوداگرلری باجخانهلرده کینگ کولمده فساد بارلیگی بارهسیده تشویش بیلدیریب، باجخانهلرده درآمد برقی سیستم آرقهلی ییغیلیشی بو خصوصده کوتاریلهدیگن ییریک آدیم سنهلهدی.
باشقه تاماندن جناب بتاشگه کوره، ملی بس سیستمی نینگ مملکت بویلب رواجلنتیرهدی، هند بیلن کیلیشیگن شرطنامه گه کوره، تیزلیک ینگی ملی بسلر افغانستانگه کیلتیریلهدی.
هرات افغانستاننینگ اینگ ییریک شهرلریدن، بو شهر ایکی قوشنی مملکت بیلن چیگرهداش قیلهدی.
اونینگ ایتیشیچه، ملی بسلر درست مدیریت بولیشی اوچون ملی بس سیستمی کابل و هراتده برقیلشتیریلهدی.
هرات هوا میدانی کینگیتیریلیشی اوچون 29 میلون یورو خرجت کیرهک
بتاش: هرات هوا میدانینینگ جنوب تامانینی کینگیتریش تیزده باشلنهدی.
شونینگدیک مملکت ترانسپورت و هوا یوللری وزیریگه کوره، ایتالیا دولتنینگ یاردملریدن 29 میلیون یورونی هرات هوا میدانی کینگیتیریلیشی اوچون صرفلیدی.
جناب بتاشنینگ بوگونکی خبری اولتیریشده ایتیشیچه، هرات هوا میدانی جنوب تامانینی کینگیتیریش ایشی تیزده باشلنهدی.
اونینگ ایتیشیچه، هوا میدانینی کینگیتیریش، ینگی ترمینال قوریش، مراقبت برج ایجاد ایتیلهدی.
بتاش، هرات هوا قونالغهسی خلق ارا معیارلر اساسیده توزهتیلیشینی ایتگن.
ترانسپورت وزیری بوندن بویان هرات هوا میدانیده بولگن موجود امنیتی قیینچیلیک حل بولگن لیگینی ایتگن.
عین حالده، هرات هوا میدانینینگ آمری سخیداد رسولی نینگ سلام وطندارگه ایتیشیچه، مذکور میدان خلق ارا اوچیشلر اوچون بوتونلی تیار دیر.
او، هرات هوا میدانیدن چیت ایلگه طیاره اوچمسلیگی نینگ بیرینچی دلیلی، بو ولایتدن خارجگه سفر قیلهدیگن لر سانی آزلیگی سبب قیلیب کورستگن.
بتاشگه کوره، هرات هوا میدانیدن خارجگه اوچگن طیارلر 100 میلون ضرر کورگن. شونینگدیک ولایت هوا میدانینینگ مسووللری تیزلیکده هوا یوللردن بیریسی دبی گه اوچیشنی باشلشدن خبر بیرگن لیگینی ایتگن.
هرات اهالیسی چیت ایل جملهدن دبی، هند و پاکستانگه اوچیش اوچون بیرینچیدن هراتدن کابل کیلیب، سونگ کابل خلق ارا هوا میدانی ارقهلی خارج گه سفر قیلهدیلر.
سونگی نیچه وقتدن بیری هرات ولایت محلی رسمیلری، مذکور ولایت هوا میدانی آرقهلی طیارهلر چیت ایلگه سفر قیلیشی اوچون سعی حرکت قیلهدیلر.
بو میدان، ولایت سابق والیسی داووشاه صبا زمانیده خلق ارا میدان صفتیده طیارهلر چیت ایلگه اوچیشگه باشلهگن ایدی.
