خلق ارا کوچلری استراتژی و علاقهلر باشلیغی جنرال فیشرنینگ یکشنبه کونی کابلده مدافعه وزیرلیگی سوزلاوچیسی بیلن اوتکزگن خبری ییغینده ایتیشیچه، اولرنینگ دستلبکی تیکشیرولریگه کوره، لوگرده افغانستان حربی کوچلری پوستهسی اوستیگه اویوشتیریلگن اتهین عملگه آشیریلمهگن.
اوتکن هفته، لوگر ولایتی برهکیبرک تومنیده افغان حربی کوچلرینینگ پوستهسی امیریکه هوا کوچلری تاماندن نشانگه آلینیب، نتیجهده 7 حربی عسکر هلاک بولیب و باشقه 5 تهسی یرهلنگن ایدی.
بو واقعه، مملکت یشاووچیلری مدنی ادارهلر تنقیدیگه دوچ کیلدی. بو ادارهلر، چیت ایللیک کوچلردن اوشبو واقعه توغریسیده معلومات بیریشلرینی سورهگن. عین حالده، واقعه آچیقلهنیشی اوچون بیر هیأت تعین ایتیلگن.
خلق ارا کوچلر استراتژی و علاقهلر باشلیغینینگ ایتیشیچه، لوگرده افغان حربی کوچلرینینگ پوستهلری یقینیده، دولتگه قرشی قوراللی عصیانچیلرنینگ مرکزی جایلشگن بولیب و امیریکه هوا کوچلری بیلمسدن افغان حربی کوچلری پوستهلرینی نشانگه آلگنلر.
اونینگ ایتیشیچه، امیریکه هوا کوچلری پیلوتی خطاسی باعث، بو واقعه یوزبیرگن. جناب فیشرنینگ کوپیتیریشیچه، خلق ارا کوچلری قوماندانی، بو واقعه توغریسیده تیکشیرولر باشلنگن و نیچه کون ایچیده بو تیکشیرولر یکونلنهدی.
شونینگدیک ملی مدافعه وزیرلیگی سوزلاوچیسی اورین باسری دولت وزیرینینگ بو اولتیریشده ایتیشیچه، بو حادثه اصلی دلیلی، واقعه محلیده افغان حربی کوچلری حضوری یا حضور سیزلیگی توغریسیده چیت ایللیک حربیلرنینگ خبر سیزلیگی دیر.
جناب وزیرینینگ ایتیشیچه، واقعهنی آچیقلش توغریسیده تیکشیرولر دوام ایتماقده.
مدافعه وزیرلیگی سوزلاوچیسی اورین باسرینینگ ایتیشیچه، واقعهگه سبب بولگن اوچاقلر، واقعه محلیده امیریکهلیکلرنینگ امنیتینی تأمینلش اوچون گزمه ده بولگن ایکن.
ایتیلیشیچه، افغانستان هیأت اعضاسی قضیه توغریسیده، قولگه کیریتکن معلوماتلرینی جمهور رییس بیلن اورتهگه قویگن.
