.jpg)
فاریاب ولایت نینگ دین عالملری، قوم بویوکلری، فرهنگیلر، مدنی جماعهچیلیک فعاللری، خاتین – قیزلر و یاش – ییگیتلر اوتگن کون (چهارشنبه) ییریک بیر ییغین اوتکزیب، افغانستان جمهور رییسی نینگ بیرینچی اورین باسری جنرال دوستم و افغان ملی کوچلریدن اوز حمایتلرینی اعلان قیلگنلر.
یوزلب کیشیدن عبارت ولایت نینگ یشاووچیلری، نابرقرارلیک ینه دولت قوراللی مخالفلری نینگ فعالیتی آشگنلیگی باعث مردمی کوچ تشکیل ایتیب، ملی کوچلر یانیده توریب قوراللی طالبلرگه بوزغینچلیک همده هجومی فعالیتلرنی بجیریشده رخصت بیرمسلیکلری بارهسیده تاکیدلهگنلر.
اوچ مادهلیک بیر قطعنامه اوقیب صادر قیلگن ییغین اشتراکچیلری، احتیاج سیزیلگن تقدیرده اوروش میدانیگه باریب، مملکتنی مدافعه قیلیش اوچون تیار ایکنلیکلریدن سوز بیرگنلر.
اخیرگی وقتلرده مملکت شمالی قاله ویرسه فاریاب ولایتی نینگ امنیتی کوتیلم گن درجهده بوزیلگن بیر پیتده فاریابلیکلر بوندهی بیر تدبیرنی نظرده توتگنلیکلری ایتیلهدی.
فاریاب ولایتده نابرقرارلیکلر میزانی آشگن لیگی آرتیدن جمهور رییس نینگ بیرینچی اورین باسری جنرال دوستم ایاغینی تورتینچی بار بو ولایتگه تارتدی. حاضر ولایت نینگ غورماچ (قورماچ) تومنیده طالبلر بیلن جناب دوستم رهبرلیگیدهگی افغان حربیلری اورتهسیده آغیر اوروش دوام ایتماقده.
