کابل شهرینینگ 10- و 13- امنیتی حوزهلری هجوم گه دوچ کیلدی. ایتیلیشیچه، 13- حوزه ده حاضرگهقدر آتیشمهلر دوام ایتماقده.
کابلده خبری ییغین اوتکزگن ایچکی ایشلر وزیری ویس احمد برمکنینگ ایتیشیچه، یوز بیرگن هجوملرده 2 پولیس هلاک و باشقه بیر تینچ اهالی و ایکی پولیس یرهلنگن.
ایتیلیشیچه، پارتلش نتیجهسیده حوزه بِناسینی ایریم بولیملری اوتگه یانگن و 13- حوزه اطرافیدهگی اویلر پارتلش نتیجهسیده زیان کورگن.
ساغلیقنی سقلش وزیرلیگی سوزلاوچیسی وحید مجروح نینگ ایتیشیچه، حاضرگچه ایکی واقعهدن بیر جسد و 6 یرهدار کسلخانهلرگه انتقال بیریلگن.
طالبان گروهی سوزلاوچیلریدن بیری ذبیحالله مجاهد، 13- امنیتی حوزه اوستیگه اویوشتیریلگن هجوم مسؤولیتینی تَن آلیب ایتیشیچه، بو هجوم قوراللی طالبلرنینگ خندق عملیاتینی بیر بولیمی دیر. بیراق، ملی خوفسیزلیک عمومی ریاستینینگ ادعا قیلیشیچه، بو هجوم طیبه لشکری همکارلیگیده حقانی ترماغی تامانیدن اویوشتیریلگن.
کابل شهری 13- امنیتی حوزه امنیتی اوستیگه اویوشتیریلگن هجوم مسؤولیتینی داعش گروهی بوینیگه آلگن.
