بنگیوارمادهگه قرشی کورهشیش وزیرلیگینینگ تحقیقی گزارشیگه کوره، بنگیوارمادهگه چالینگنلردن کوپینچهسی، ترک ایتکنیدن کیین، قیتهدن یوز کیلتیرهدی.
بنگیوارمادهگه قرشی کورهشیش وزیری سلامت عظیمینینگ سهشنبه کون، بیرخبری ییغینده ایتیشیچه، بو تحقیقی گزارشده، 347 ایرکک و 118 عیالدن قیتهدن بنگیوارمادهگه چالینگنلیک دلیلی سورهلهدی.
خانم عظیمینینگ ایتیشیچه، بو کیشیلرنینگ دلیلی ایش سیزلیک، قولی صورتده بنگیوارمادهگه قول تاپیش و اورتاقلرینینگ ایستهگی دییلهدی.
اوشبو تیکشیروگه کوره، صحبت آلینگنلردن 41 فایزی اورتاقلرینینگ ایستکلری نتیجهسیده قیتهدن بنگیوارمادهگه یوزکیلتیریشینی ایتکنلر.
شونینگدیک 21 فایزی ایشسیزلیک، 18 فایزی عایله عضوی چالینگنلیگی و باشقه 19 فایزی قولی صورتده بنگیوارمادهگه قول تاپیش دییلهدی.
اونینگ ایتیشیچه، صحبت آلینگنلردن 42 فایزی سوادسیز، 20 فایزی دستلبکی سواد، 14 فایزی اورته تحصیل کورگن و 6 فایزی یریم یوکسک تحصیل کورگنلر.
باشقه تاماندن، ساغلیک وزیرلیگی اورین باسری احمدجان نعیمنینگ بو اولتیریشده ایتیشیچه، بنگیوارمادهگه چالینگنلرنی دارولش اوچون مملکتده 101 کسلخانه موجود، ییلده 35 مینگ بنگینینگ داورلنیشیگه زمینه یرهتهدی.
جناب نعیمنینگ ایتیشیچه، بنگیوارمادهنی ترک ایتکنلردن، کوپینچهسی قیتهدن بنگی وامادهگه یوزکیلتیرهدی. جناب نعیم، قیته یوزکیلتیریش دلیلینی، قشاقلیک، ایشسیزلیک، ناتینچلیک و روحی کسللیکلر دیب بیلهدی.
اونینگ کوپهیتیریشیچه، بنگیوارمادهنی ترک ایتکنلردن 80 الی 90 فایزی، قیتهدن بنگیوارماده چکیشگه یوز کیلتیرهدی.
عین حالده، اجتماعی ایشلر وزیرلیگی اورین باسری واصلنور مومندنینگ ایتیشیچه، بو وزیرلیک بنگی وارمادهنی ترک ایتکن کیشیلرگه اوچ بولیمگه یاردم بیرهدی.
بیراق جناب نور، بنگیلرنینگ دارولش و اوندن کیین بنگیلرگه ایش تاپیش اوچون بودجه یوقلیگینی کته قیینچیلیک بیلهدی.
بنگیوارمادهگه قرشی کورهشیش وزیرلیگینینگ گزارشیگه کوره، افغانستان جمعیتیدن 11 فایزی ایریم بنگیوارمادهلردن ایش آلهدی، بو رقمگه قرهگنده، هر بیر 7 کیشیدن 1 تهسی بنگیوارمادهگه چالینگن.
بورقمگه کوره، افغانستاندهگی 3 میلیون بنگی جملهسیدن 7 فایزی ایرکک، 3 فایزی عیال و 1 فایزی بالهلر بولگن.
