افغان ملی بانک و صنعتچیلر اورتهسیگه خام مواد ساتیب آلیش و صنعتی جهازلر آلیش اوچون یاردم بیریش کیلیشیگیگه قول قویدیلر.
بوگونکی کیلیشیک صنعتچیلردن حمایت ایتیش و رابطه باغلهش اوچون مذکور بانک باشلیغی احمدخسرو ضیا و کابل صنعتچیلری باشلیغی عبدالکریم عارفی اورتهسیده امضالندی.
افغان ملی بانک باشلیغیگه کوره، مذکور کیلیشیکدن هدف اولکه صنعتچیلریدن حمایت قیلیش عنوان بولگن. اونگه کوره، ملی بانک صنعتچیلرگه نقده پول بیرمیدی، ولی اولرنی خام مواد ساتیب آلیش و جهازلهنیش بارهسیده یاردم بیرهدی.
شونینگدیک کابل صنعتچیلری باشلیغی عبدالکریم عارفی نینگ ایتیشیچه، مذکور کیلیشیک امضالنیشی بیلن صنعتچیلرنینگ کوپلب قیینچیلیکلری حل ایتیلهدی.
جناب کریمیگه کوره، بوکیلیشیک صنعتچیلرگه یخشی سهولتلر کیلتیرگن و موندن بویان صنعتچیلر قیله آلهدیلر نیچه مرتهگه وام توله سهلر.
اونینگ کوپهیتیریشیچه، بوندن بویان صنعتچیلرنینگ ییر، ماشین و خام مواد قولگه کیریتیش اوچون ملی بانک یاردمی بیلن قولگه کیلتیره آلهدیلر.
کابل صنعتچیلری باشلیغیگه کوره، وام قیته تولهش مدتی اوزین پیتنی اوز ایچیده آلهدی و شو اوچون هم صنعتچیلر سینیش آلدینی آلهدی.
ینه بیرتاماندن اقتصاد وزیری ستار مراد مذکور کیلیشیکنی خوش قرشیلب، بو ایش صنعتچیلر قیینچیلیکلرینی حل ایتیشگه کتته حصه قوشهدی دیگن.
اقتصاد وزیری خصوصی بانکلردن هم صنعتچیلر اوچون قرضه شرایطینی آسان قیلیشلرینی سورهدی.
انه شوحالده صنعتچیلر دولت و خلق نینگ ایچکی تولیداتلردن حمایت قیلیشلرینی ایسته یدیلر.
اوتمیش نیچه ییلده، تولیدی نرسهلر قوریلیشی بیلن مینگلرچه کیشیگه ایریم بولیملرده ایش زمینهسینی یرهتگن، ولی ایچکی تولیدلردن حمایت قیلمسلیک توغریسیده حکومتنی توجه سیزلیکگه متهم قیلهدیلر.
ایش بیلرمانلرگه کوره، ایچکی تولیداتلر اوچون صادرات و واردات ارا اورته لیک کیلتیریلسه باید.