جمهور رییس، هرات ولایتی برشنا ریاستی برق پولی‌دن قرضدار بولگن کیشی‌لر توغری‌سیده فرمان بیردی.
هرات برشنا ریاستی، نیچه ییل‌دن بویان، مشتری‌لر اینیقسه دولت اداره‌لری و زوره وان‌کیشی‌لر تامانیدن برق پولی تول‌لنمس لیگی‌دن شکایت قیلیب کیلگن.
بو وضعیت جمهور رییس تامانیدن، عدلی و قضایی اداره‌لر و مملکت امنیت کوچلری‌گه بویروغ بیریلیب، دولت قرضداری بولگن کیشی‌لر بیلن قانونی صورتده گپله‌شیش‌گه سبب بولدی.
برشنا ریاستی، ولایت مقامی، عدلی- قضایی و امنیتی اداره‌لر تامانیدن، خرچ بولگن برق هزینه‌سینی توپلش توغری‌سیده تعیین بولگن هیأت بوگون پنج‌شنبه؛ بیر خبری ییغینده آگاه‌لنتیریشیچه، برشنا شرکتی‌دن قرضدار بولگنلرگه حساب‌لرینی تازه‌لش اوچون بیرهفته وقت بیریله‌دی؛ تازه‌لمه‌گن صورتده آت‌لری میدیا آرقه‌لی نشر ایتیلیب، محکمه‌گه تانیشتیریله‌دی.
بو اولتیریشده، هرات برشنا ریاستی سرپرستی وحید کامرانی‌نینگ ایتیشیچه، برشنا شرکتی کمیده 900 میلیون افغانی معادلی 15 میلیون دالر بوله‌دی برق مشتری‌لری، اینیقسه زوره وان‌کیشی لردن ایسته‌یدی.
اوشبو پول‌دن کمیده 200 میلیون افغانی زوره وان‌کیشی لرگه تیگیشلی بوله‌دی. تیکشیرولرگه کوره، بو کیشی‌لر 15 الی 20 دور برق پولی‌نی تول‌لمه‌گنلر.
جناب کامرانی‌نینگ ایتیشیچه، شو ییل‌لرده، قرضدار بولگن زوره وان‌کیشی‌لرنینگ برقی نیچه مرته اوزیلگن؛ بیراق بو کیشی‌لر تامانیدن بولگن تهدیدلر و آگاه‌لنتیریش‌لر باعث برشنا ریاستی قانون‌نی تطبیق ایتیش‌گه قادر بولمه‌گن.
جمهور رییس‌نینگ بو حکمی، هرات یشاوچیلری نیچه ییل‌دن بویان یاز و قیش موسومی‌ده برق قیین‌چیلیگی‌گه روپه‌ره بولیب کیلگن بیرچاغده ترقه‌تیلگن و حاضرگچه بو قیین‌چیلیک‌لر حل بولمه‌گن.
