جمهورلیک سرایینینگ مطبوعات دفتری بیر خبرنامه ترقهتیب، پاکستانده افغانستان حکومتی و طالبلر ارا تینچلیک سوزلشوو بیرینچی دوری یکونلهگنیدن خبر بیرهدی.
بو خبرنامهگه کوره، افغانستان نمایندهلری و طالبلر اورتهسیدهگی تینچلیک رسمی اولتیریش اوتکن کیچه پاکستان مری شهریده اوتکزیلگن و بو سوزلشوولر سونگی دوری روزه آییدن کیین اوتکزیلهدی.
دیمک اوتکن کون، پاکستان میدیاسیدن بیرقطارینینگ گزارش بیریشیچه، بیرینچی کون اولتیریش افغانستان هیأتی ریاستیده اوتکزیلگن و ایکینچی دوری طالبلر ریاستیده اوتکزیلیشی ممکن.
افغانستان جمهورلیک سرایی، رسمی شکلده تینچلیک سوزلشوو باشلنگنینی خوش کوتیب و بونی تینچلیککه ییتیشیش توغریسیده یخشی آدیم دیب بیلهدی. شونینگدیک جمهورلیک سرایینینگ ایتیشیچه، اوشبو اولتیریش قرارلری افغانستان حکومتی تامانیدن قبول ایتیلهدی.
باشقه تاماندن پاکستان تشقی ایشلر وزیرلیگینینگ ایتیشیچه، بو سوزلشوولر افغانستان حکومتی و اوشبو مملکت طالبلری اورتهسیده اوتکزیلگن.
پاکستان تشقی ایشلر وزیرلیک رسمیلرینینگ ایتیشیچه، بو اولتیریشده افغانستان نمایندهلری و مذکور مملکت طالبلری مسؤولیتلرینی، بیری- بیراویگه بیان ایتیب و ایکی تامان اورتهسیده ایشانچ کیلتیریلیشینی سورهگنلر.
پاکستان تشقی ایشلر وزیرلیگی سوزلاوچیسی قاضی خلیلاللهنینگ ایتیشیچه، پاکستان، افغانستانده تینچلیک تامینلنیشی اوچون افغانستان حکومتی و طالبلر اورتهسیده سوزلشوولرگه زمینه یرهتهدی.
قاضی خلیلاللهنینگ ایتیشیچه، نتیجهده ایکی تامان منطقه اینیقسه افغانستانده تینچلیک تامینلنیشی توغریسیده سعی و حرکت قیلیشلرینی ایتکنلر.
شونینگدیک افغانستان حکومتی، تینچلیک سوزلشوولریگه زمینه یرهتگنی توغریسیده پاکستاندن منتدارلیک بیلدیریب ایتیشیچه، پاکستاننینگ اوشبو یاردمی آچیق بیر عمل بیلن بیرگه بولیب، ایکی مملکت خلقینینگ اوروشدن قوتیلیشیگه امید بیلدیرهدی.
شونینگدیک حکومت، امیریکه و چین مملکتلریدن بو توغریده یاردم بیرگنیدن قدردانلیک بیلدیریب ایتیشیچه، افغانستانده امنیت تامینلنیشی و منطقهیی تهدیدلرگه قرشی کورهشیش توغریسیده اولرنینگ یاردمیگه احتیاج بار.
جمهورلیک سرایینینگ خبرنامهسیده کیلیشیچه، افغانستان دولتی تینچلیک سوزلشوولریگه خلق حمایتینی جلب ایتیش اوچون سعی و حرکت قیلماقده.
بوندن آلدین پاکستان تشقی ایشلر وزیرلیگی سوزلاوچیسی، بو سوزلشوولرده چین و امیریکه نمایندهلری اشتراک ایتیشلرینی ایتکن ایدی.
گزارشلرگه کوره، بو دور اولتیریشده تشقی ایشلر وزیرلیگی سیاسی اورین باسری حکمتخلیل کرزی، ننگرهار ولایتی سابق والیسی حاجی دین محمد و اجراییه ریاستی نمایندهسی محمد ناطقی، افغانستان حکومت نمایندهلیگیدن اشتراک ایتکنلر.
عین حالده، امیریکه قوشمه ایالتلری، افغانستان حکومتی و طالبلر اورتهسیده باشلنگن تینچلیک سوزلشوولرینی خوش قرشیلهگن. آق سرای سوزلاوچیسی جوش ارنست، تینچلیک سوزلشوولری باشلنگنینی افغانستانده تینچلیک تأمینلنیشی توغریسیده ایجابی حرکت دیب بیلهدی.
«تینچلیک اولتیریشیده یخشی اورین»
مملکت جمهور رییسی محمداشرف غنی، اوتکن سهشنبه کون 16- سرطان، بیرقطار سیاسی ایش بیلرمانلر، تحلیلچیلر و میدیا مسؤوللری بیلن اوچرهشگن چاغیده ایتیشیچه، بیرینچی دور تینچلیک مذاکرهسیده، بو اولتیریش دواملی شکلیده مهم موضوعلر تیزیمی اوستیگه بحث اوتکزیلیشی اوچون ایشانچ بیلدیریشی ممکن.
جمهور رییس، مملکتده تینچلیک تامینلنیشیگه زمینه یرهتیش توغریسیده، منطقه و خلق ارا جماعهسیگه تأکیدلب ایتیشیچه، بین الافغانی تینچلیک سوزلشوولر افغانستان تامانیدن باشقریلهدی.
افغانستان جمهورلیک ریاستی خبرنامهسیده کیلیشیچه، دنیا، منطقه و شونینگدیک دولتگه قرشی قوراللی عصیانچیلر درک قیلگن؛ افغانستان امنیتی کوچلری مغلوب بولمهیدی، چونکه افغانستان حکومتی تینچلیک مذاکرهسیده یخشی اوریندن صحبتگه چیقهدی.
شونینگدیک جمهور رییس غنینینگ ایتیشیچه، تینچلیک سوزلشوولریده عیاللرهم اشتراک ایتهدی.
شونینگدیک جمهور رییسگه کوره، دیورند چیزیغی موضوعسی هیچ قچان تینچلیک مذاکره لایحهسی بولمهگن و بولمهیدی.
