مملکت سیاستچیلریدن قطاری جمهوررئیس غنی گه بیر نامه یوباریب یازیشلریچه، حکومت نینگ ایچیدهگی بیر حلقه اولرنینگ اولیم گه تهدید قیلگن.
مذکور نامه رحمتالله نبیل، حضرت عمر زاخیلوال، حکمت خلیل کرزی، عبدالکریم خرم، سید محمد اکرم آغا، دانش کروخیل، آصف آشنا و فیض محمد زلاند آرقهلی امضالهنیب، جمهوررئیس گه یوباریلگن.
مذکور نامه نی امضا قیلگن کیشیلرنینگ ایتیشلریچه، طالبلرنینگ آدرسیدن تهدیدلی بیر نامه کیلگن. جمهوررئیس گه یوباریلگن نامهده ایتیلیشیچه، بو نامه جعلی بیر آدرسدن و حکومت نینگ ایچیدهگی بیر حلقه تامانیدن یوباریلگن.
اوشبو سیاستچیلرنینگ نامهسیده کیلیشیچه، سونگی نیچه آیده حکومت نینگ تنقیدچیلریدن قطاری نابیللی شکلده اولدیریلگن و اولر شو یوزهدن بو نامه جدی آلگنلر. بیراق بو ایش قیسی گروه آرقهلی صورت تاپگنی حاضرگچه بیللی بولمهگن.
مذکور نامه نی امضالهگنلرنینگ ادعا قیلیشلریچه، بو نامه نیچه یوقاری مرتبهلی حکومت رسمیلری کیم جمهورلیک ریاست اورین باسری و ملی خوفسیزلیک اورینباسری تامانیدن رهبرلیک بولهدی، اولرگه بوباریلگن.
بو نامه ده کیلیشیچه: «هر بیر شبههلی قتل نینگ مسئولیتی سیزلرنینگ (دولت) بویینلریزگه دیر.»
اوشبو نامهده اورغولنیشیچه، هر بیر شبههلی دولتی رسمیلر ایشدن چیکلهنتیریلیب و قارهلاوچیلیککه تانیشتیریلیشی کیرهک. نامه نی امضالهگنلر بیللی شکلده بیرار شخص نینگ ایشدن آلینیشی نی سورهمهگن.
مذکور نامه نی یازگنلرنینگ ایتیشلریچه، حکومت اولرنینگ خواطرلرینی جدی آلمهگن صورتده، اولر معلومات و خواطرلرینی اهالی و خلقارا مسئول نهادلر بیلن شریک قیلیشلری ممکن.
نیچه پیت آلدین مملکت ملی خوفسیزلیک ریاستی نینگ سابق باشلیغی رحمتالله نبیل، خصوصی رسانهلردن بیری بیلن صحبت اوتکزیب، فیزیکی حذف گه تهدید بولگنی نی ایتگن ایدی.
