هلمند ایریم تومنلری جملهدن کجکیده اوروش و ناتینچلیکلر باعث ییمک مواد قیمتی نیچه برابر کوپیگن.
هلمند ولایتی کینگش عضوی عبدالمجید آخندزادهنینگ ایتیشیچه، سونگی نیچهکونده کجکی تومنی توقنه شوولرگه گواه بولگن و بو ناتینچلیکلر باعث قیمتلر نیچه برابر یوقاری کیتگن. جناب آخندزادهگه کوره، محل یشاوچیلری اوشبو منطقهدهگی ناتینچلیکلر باعث ساغلیک نیازلری اوچون باشقه تومنلرگه سفر قیله آلمهیدی.
گزارشلرگه کوره، حاضر اوشبو ولایتده بیر بوجی اون 6 مینگ ساتیلهدی؛ عین حالده کابلده 1300 افغانی ساتیلماقده.
شونینگدیک بیر کیلو کچالو 120 افغانی و کابلده 20 افغانی ساتیلهدی. بو قیمتلر خرواردن اورنک دیر. کجکی یشاوچیلریگه کوره، ییمک موادی شامل باشقه نرسهلر قیمتی نیچه برابر کوپیگن.
باشقه تاماندن، مذکور تومنده توقنه شوولر کوپیگنی توغریسیده گزارشلر ترقهتیلگن. جناب آخندزادهنینگ ایتیشیچه، طالبلر کونده کجکی اوستیگه هجوم اویوشتیرهدی. اونینگ ایتیشیچه، کجکی تومنیده برق بندی بولگنی اوچون مهم لیگی بیلن حکومت هیچ توجه قیلمهیدی.
کجکی یشاوچیلرینینگ ایتیشیچه، اولرگه دولت آذوقه تیارلهگن صورتده، قطره قانلری باریچه کجکیدن طالبلر برابریگه دفاع قیلهدیلر.
کجکی تومنی یشاوچیلریدن بیری حیاتاللهنینگ ایتیشیچه، اولرنینگ ایستهگیگه حکومت حاضرگچه قولاق سالمهگن و قیینچیلیکلریگه دقت قیلمهگن.
اونینگ ایتیشیچه، اولرگه حکومت تامانیدن یاردم بیریلگن صورتده، منطقهده امنیت تأمینلنیشی ممکن. شونینگدیک حیاتالله حکومتدن تیزلیکده مذکور تومننی قمراودن قوتقریشینی سورهدی.
هلمند والیسینینگ سوزلاوچیسی عمرزواک مذکور سوزلرنی تائید قیلیب ایتیشیچه، اوتکن هفته ولایت والیسی کجکی تومنیگه سفر قیلیب، یشاوچیلرنینگ قیینچیلیکلرینی یقیندن کوریب چیقگن.
جناب زواکنینگ ایتیشیچه، تیزلیکده بو منطقه امنیتی تأمینلهنیب، کجکی قتناو یوللری آچیلیشی ممکن.
کجکی قتناو یولی اون کوندن بویان ناتینچلیکلر باعث یاپیلگن و امنیتی کوچلر حربی اوچاقلر آرقهلی قوللنهدی.
