بیرقطار ایش بیلرمان‌لرنینگ ایشانچی‌گه کوره، مدافعه وزیرلیگی‌گه سرپرست تعیین قیلیش افغانستان خلقی‌نینگ منفعتی‌گه ایمس دیر، مملکت اساسی قانونی‌گه مدافعه وزیرلیگی سرپرستی‌نینگ صلاحیتی بیللی بولمه‌گن.
حربی ایش بیلرمان‌لردن بیری عتیق‌الله امیرخیل‌نینگ سلام‌وطندارگه ایتیشیچه، مدافعه وزیرلیگی‌نینگ سرپرست‌لیگی اوروش میدانی‌ده حربی کوچلر روحیه‌سیگه سلبی تاثیر تشله‌یدی.
جناب امرخیل‌نینگ کوپه‌یتیریشیچه، مدافعه وزیرلیگی قانونی‌گه سرپرست وظیفه‌سی آچیق لنمه‌گن و اوشبو لایحه هیچ بیر ییریده مدافعه وزیرلیگی سرپرستی‌نینگ مسؤولیت‌لریگه اشاره بولمه‌گن.
اوشبو حربی ایش بیلرمان‌نینگ ایتیشیچه، پارلمان نماینده‌لری‌گه مدافعه، ایچکی ایشلر نامزد وزیرلری و شونینگ‌دیک ملی امنیت ریاستی نامزدی‌نینگ سیله‌شی توغریسیده آرتیقچه صلاحیت بولیشی لازم.
عین حالده، اجراییه ریاستی‌نینگ ایتیشیچه، حاضرگچه ینگی مدافعه وزیری سیله‌نیشی اوستیگه جمهور رییس و اجراییه باشلیغی اورته‌سیده رسمی سوزلشوو باشلنمه‌گن.
اجراییه ریاست سوزلاوچیسی اورین باسری جاوید فیصل‌نینگ ایتیشیچه، مدافعه وزیرلیگی ینگی نامزد وزیری بیللی بولگینچه، معصوم استانکزی مدافعه وزیرلیگی سرپرستی صفتیده قاله‌دی.
جناب فیصل‌نینگ کوپه‌یتیریشیچه، حکومت مدافعه وزیرلیگی اوچون مناسب بیر کیشی ایزله‌یدی.
باشقه تاماندن، پارلمان نماینده‌لریدن بیرقطاری‌نینگ ایتیشیچه، مدافعه وزیرلیگی جدی قیینچی‌لیک‌لرگه روپه‌ره بولگن؛ بو قیینچی‌لیک‌لرنی اورته‌دن کوتریش اوچون جمهور رییس تامانیدن مناسب بیرکیشی ایشانچ آواز آلیش اوچون پارلمان‌گه تانیشتیریلیشی کیره‌ک.
کنر خلقی‌نینگ پارلمان‌ده‌گی نماینده‌سی صالح محمد صالح‌نینگ ایتیشیچه، جمهور رییس و اجراییه باشلیغی اورته‌لریده‌گی قره‌مه قرشی‌لیک‌لرنی یکونلنتیریب و حاضرگی شرایط‌‌ده مناسب بیر کیشی‌نینگ پارلمان‌گه تانیشتیریشی لازم.
حاضرگچه افغانستان مدافعه وزیرلیگی چوکی‌سی اوچون، شیر محمد کریمی و معصوم استانکزی جمهور رییس تامانیدن پارلمان‌گه تانیشتیریلدی و اوشبو ایکی نامزدهم پارلمان نماینده‌لریدن ایشانچ آوازی قولگه کیریته آلمه‌دیلر. شونینگ‌دیک جناب افضل لودین، پارلمان‌گه تانیشتیریلیشی‌دن آلدین نامزدلیگی‌دن چیکیلدی.
