میدان وردک محلی رسمی‌لری‌نینگ بیلدیریشیچه، پنج‌شنبه کون ایرته‌لب یوزلرچه جنگری طالب ولایت جلریز تومنی‌نینگ امنیتی پوسته‌لریگه هجوم اویشتیرگنلر.
رسمی‌لرگه کوره، مذکو هجومدن هدف کابل-بامیان شاه یولی ناتینچ ایتیش بولگن.
ولایت پولیس باشلیغی خلیل اندرابی‌نینگ سلام‌وطندارگه ایتیشیچه، امنیتی کوچلر بیلن طالبلر ارا آغیر توقنه‌شوو اوتکزیلگن.
جلریز تومنی‌نینگ باشلیغی نقیب‌الله حیدری‌نینگ کوزه‌تیشیچه، مذکور تونقه شولرده جنگری طالب‌لردن 11 کیشی هلاک بولگن و تینچ اهالی‌دن3 کیشی تن جراحت آلگن. اونینگ ایتیشیچه، پولیس کوچلریدن 5 کیشی هلاک بولگن و توقنه شوجریانیده امنیتی کوچلردن هم ایکی کیشی یره‌لنگن.
شونینگ‌دیک میدان وردک والیسی‌نینگ سوزلاوچیسی عطاالله خوگیانی‌نینگ ایتیشیچه، توقنه شوده امنیتی کوچلردن 2 کیشی هلاک بولگن و باشقه 2 ته‌سی هم تن جراحت آلگن.
بیراق اونینگ ایتیشیچه، برچه قیینچی‌لیکلر مرکزی حکومت تامانیدن تاپیله‌دی و مرکزی رسمی‌لردن یاردم‌لیک سوره‌گن بیرچاغده، معما حل ایتیلیش باره‌سیده یاردم‌لیک قیلمی‌دیلر.
شونینگ‌دیک جناب خوگیانی‌لرگه ایتیب کیلگن گزارشلرگه کوره، ایرتانگ تاماندن طالبلر یوللاوچی هزاره‌لردن 6 کیشی‌نی موتردن توشیریب اولرنی اوققه توتگن. اما اونگه کوره، قیدیروولر باشله‌نگن وحاضرگه قدر بوتوغریده انیق معلومات قولده ایمس.
ینه بیرتاماندن میدان وردک ولایتی کینگش باشلیغی حسین‌علی بلیغ امنیتی کوچلردن انتقاد قیلیب ایتیشیچه، ولایت بیلن تومن آره سیده‌گی فاصله چمه‌سی 40 دقیقه‌لیک یول دیر و امنیتی کوچلرقیله آلمه‌گن اوزلرینی آز مدت‌ده محلده ایتکیزیشگه قادر ایمسلر. شونینگ‌دیک او امنیتی کوچلر تامانیدن عملیات باشلنمه گن‌لیگینی اورغولیدی و بولیب اوتگن توقنه شولرمحلی پولیس بیلن طالبلر ارا ایکن‌لیگی‌نی تیلگه آله‌دی.
بوندن آلدین ولایت بهسود تومنیده هزاره‌لر بیلن کوچیلر ارا بوله‌دیگن توقنه شوولر روی بیرگن ایدی. گزارشلرگه کوره، مذکور توقنه شولردن کوپی‌سی کوچیلر تامانیدن اویشتیریلگن‌لیگی ایتیله دی.
انه شو حالده میدان وردک والیسی‌نینگ سوزلاوچیسی مذکور گزارشلرنی رد قیله‌دی و هجوملرطالب‌لر تامانیدن اویشتیریلگن‌لیگی‌نی تیلگه آله‌دی.
میدان وردک خلقی‌نینگ پارلمانده‌گی نماینده‌سی حمیده اکبری‌نینگ ایتیشیچه، بو تومنده امنیتی کوچلر هوا و ییردن عملیاتلری باشله‌نیب دوامی بار. اونگه کوره، طالبلر اوز قوللریده بولگن محله‌لرده ماین اورنتگن‌لر و بو امنیتی کوچلر تامانیدن اویشتیریلگن عملیاتنی توقره تیشگه سبب بولگن.
شونینگ‌دینک خانم اکبری مذکور تومن چمه‌سی 6 امنیتی پوسته‌سی طالبلر قولیگه توشگن‌لیگی‌نی بیلدیره‌دی.
اما ولایت ولایتی کینگش اعضالریدن بیری محمدشریف هوتک‌نینگ ایتیشیچه، طالبلر ولسوالیک امنیتی پوسته‌لریدن 9 ته‌سینی اوز تصروفلریگه آلگن ایکن. جناب هوتک گه کوره، اوروش محلیده تازه نفس عسکر یوباریلمه‌گن صورتده؛ جلریزطالب‌لر قولیگه توشیش امکانیتی بار.
حاضرگه قدر جنگری طالبلر بوتوغریده بیرنرسه دیمه‌گن.
