مسکوده افغانستان سابق جمهور رییسی حامد کرزی بیلن اوچرهشگن روسیه جمهور رییسی ولادیمیرپوتین، افغانستاننینگ 34 ولایتیدن 25 ولایتیده داعش گروهی فعالیتگه باشلهگن لیگینی ایتگن.
روسیه جمهور رییسلیک سرایینینگ رسمی ویبسایتیده یازیلگن گزارشده، جناب پوتین مذکور اوچرهشووده « داعش گروهینینگ کون ساین فعالیتی آشیشی و بو گروهنینگ مرکزلری» مستحکم لهنیشی توغریسیده جدی خواطر بیلدیرگن.
افغانستان سابق جمهور رییسینینگ مطبوعات ادارهسیدن نشر ایتیلگن خبرنامهده یازیلیشیچه، حامدکرزی روسیه خلق ارا علاقهلر کینگشینینگ رییسی ایگرو ایوانوفنینگ رسمی چقیریغی بیلن مسکوگه سفر قیلگن.
اوچرهشووده جناب کرزینینگ ایتیشیچه، داعش افغانستانده ترتیبده بولمهگن بیر پدیده. «اسلامی دولت (داعش) بوتونلی باشقه بیر موضوع. بولر هیچ بیر زمان افغانستانگه باغلیق ایمس. اولر بیزدن ایمس. داعش بیزنینگ خلقیمیز ایچیده ایلدیز آتمهگن، بو گروهنی پیدا بولیشی تشقی مملکتلرگه قرهشلیگی اوچون شک شبهه یوق».
خبر نامهده حامد کرزی افغانستان و منطقهگه عاید معمالر و آلغهسیلجیشلر اوچون اوتکزیلهدیگن خبری ییغینده سوزگه چیقیشی ممکنلیگی ایتیلهدی.
روسیه جمهور ریسلیک سرایینینگ حامد کرزگه اساسلب یازیشیچه، اسلامی دولت گروهی (داعش) افغانستان اوچون توزهلمهگن، بلکه بو گروه افغانستاننی «سکوی جهش» عنوانی آستیده باشقه منطقه مملکتلریگه نفوذ قیلیش اوچون توزهلگن.
افغانستان اوتگن اون اوچ ییل جریاینده امریکه قوشمه ایالتلرینینگ اساسی اتفاقداشلریدن بولگن، اما حامدکرزی جمهور رییسلیک زمانیده روسیه بیلن یخشی علاقهده بولگن.
روسیه جمهور رییسی سونگی وقتلرده افغانستان شمالی اینیقسه بدخشان، تخار و کندوز ولایتلریده نابرقرالیکلر میزانی سیزیلرلی درجهده آشگن بیر پیتده داعش فعالیتی توغریسیده جدی خواطر اظهار قیلماقده.
بوندن نیچه کون آلدین کندوز ولایتینینگ ایکی ولسواللیگی قوراللی طالبلر تصرفیگه اوتگن ایدی. اما، افغان ملی کوچلرینینگ مخصوص حربی عملیاتلری نتیجهسیده اوشبو ولسواللیک جنگری طالبلر تصرفیدن قیتهدن آزاد قیلیندی.
