افغانستان جمهور رییسی محمد اشرف‌غنی سیلاوکمیسیونلرگه اصلاحات کیلتیره‌دیگن کمیسیون باره‌سیده مذکور کمیسیون نماینده‌لری‌گه ایتیشیچه، کینگش سیلاو تاریخی امنیتی کوچلر اوستی ده‌گی موجود فشارلرکمَیگن صورتده تعیین ایتیله‌دی.
جمهورلیک ریاست سراییدن ترقه تیلگن خبرنامه‌ده کیلیشیچه، اوتگن کیچه جمهور رییس غنی سیلاولرکمیسیونی و سیلاوشکایتلریگه ایتیش کمیسیون نماینده‌لری بیلن اوچره‌شگن ایدی.
خبرنامه‌ده کیلیشیچه، مذکور اولتیریشده سیلاو کمیسیونلری‌نینگ اعضاسی پارلمان و ولسوالیک‌لر کینگش سیلاوی توغری‌سیده اوز پیشنهادلرینی ارایه قیلگن.
شونینگ‌دیک اولر ایرکین سیلاو دایمی ایشلاوچیلری قنقه‌لیگی، آواز بیریش مرکزلرینی قیته‌دن تیکشیریش و رای بیره دیگنلرنی روی خط‌گه آلیش مساله سی هم جمهور رییس‌گه ارایه قیلگن‌لر.
بو اوچره‌شووده جمهور رییس ایکله کمیسیون نماینده‌لریدن هم، هند اولکه سیده‌گی سیلاو تجربه لریدن اورگه‌نیش اوچون سفر قیلیشلرینی ایسته‌گن.
جناب غنی‌گه کوره، مذکور کمیسیونلر باید خلق مصلحتینی سیلاو باره سیده آلیب، کیمسیونلر توغری‌سیده اولر ایشانچینی آلسین‌لر.
جمهورلیک سرایدن ترقه‌تیلگن اعلامیه‌گه کینگش قرشیلیگی
جمهور رییس تامانیدن کینگش ایشی‌نینگ تمدید ایتیلیشی بیلن، کوپلب نماینده‌لر 30- جوزا کینگش عمومی اولتیریشی‌ده قانونگه قرشی حرکت دیب اوز قرشی‌لیک‌لرینی بیلدیردیلر.
قرشی‌لیک کورستگن‌لردن بیری رمضان بشردوست ایدی. اونینگ ایتیشیچه، کینگش اعضاسینی سربلندلیگی پارلماننی ترک قیلیب کیتیش‌لریگه دیر.
اوتگن کونگی جمهورلیک ریاست سراییدن کیلگن اعلامیه‌ده، پارلمانی سیلاو بولیب اوتیش تاریخی کیینگه قالیش دلیلی مالی و تخنیکی قیینچی‌لیک‌لر موجود بولگن‌لیگی دیب ایتیلگن ایکن.
شونینگ‌دیک بوگونکی اولتیریشده هم کینگش اعضالریدن ینه بیری بیکتاش سیاوش، کینگش ایشی دوام ایتیلیشی قانونگه قرشیلیگی‌نی بیلدیردی.
جناب سیاوش‌نینگ ایتیشیچه، سرطان آی‌نینگ باشله‌نیشی بیلن قانونگه قره گنده ولسی جرگه ایشی یکونلنه‌دی.
بوکینگش نماینده سی‌نینگ کوپه‌یتیریشیچه، شوگوندن باشلب سیاسی پاسپورتی و عضویت کارتینی کینگش محررلیگی‌گه تاپشیره‌دی و موندن کیین کینگش امتیازلریدن استفاده قیلمیدی.
جناب سیاوش، کیله‌سی 6 آیگه قدر پارلمانی سیلاو اوتکزیلیشی اوچون حکومت‌گه فشارکیلتیریش نیتیده مذکور امتیازدن استفاده قیلمی من دیدی.
کینگش بوگونکی اولتیریشیده‌گی آجنداسی، کیله‌جک کینگش حیاتی قنقه لیگی توغری سیده ایدی؛ اماجمهور لیک ریاستیدن کیلگن اعلامیه اساسیده نماینده‌لر قیته مذکور اجنداگه تاکید قیلمس رجه سینی آلگنلر.
کینگش اعضالریدن بیری فرخنده زهرا نادری‌نینگ ایتیشیچه، موندن آلدین پارلمانی سیلاو بولیب اوتیش تاریخی باره‌سیده سوزلش‌ماقده ایدیلر، اما جمهورلیک ریاستیدن کیلگن اعلامیه‌گه کوره، ایندی کینگش خواطرلری حکومت تامانیدن رفع بولدی.
موندن آلدین هم کوپلب کینگش اعضالری تعین ایتیلگن تاریخ‌دن کیین مذکور نهاد ایشی اعتبارسیز بولیشی ممکن دیگن ایدیلر.
ینه بیرتاماندن کوپلب مدنی فعاللر و اولکه یشاوچیلری کینگش ایشینی تعین ایتیلگن تاریخی‌دن کیین قانونقگه قرشی دیب بیله‌دیلر.
اولرگه کوره، پارلمانی سیلاو اوتکزیش زمانی انیقلنیشی باره سیده تاکید قیلب، کینگش ایشلریگه بوشلیق کیلمس‌لیگی‌نی سوره‌گنلر.
