هلمند ولایتی نینگ سنگین ولسواللیگیده اوچ امنیتی پوسته طالبلر قولیگه اوتگن.
قوراللی طالبلر اوتکن کیچه پولیس پستهلری اوستیگه هجوم اویوشتیریب، مذکور تومن نینگ 3 امنیتی پوسته نی قولگه کیریتگنلر.
محلدهگی تینچ اهالینینگ ایتیشلریچه، گومند منطقهسیده بیر امنیتی پوسته نینگ 12 پولیسی طالبلرگه قوشیلگن.
هلمند پولیس قوماندانی نبی جان ملاخیل نینگ سلام وطندارگه ایتیشیچه، طالبلر اوتکن کیچه سنگین تومنی پولیس خوفسیزلیک بیلباغی یقینیده جایلشگن اوچ امنیتی پوسته اوستیگه هجوم اویوشتیرگن، مذکور هجومده 5 پولیس هلاک بولگن و باشقه 6 عسکر تن جراحتی آلگن؛ شونینگدیک بو هجومده طالبلرگه هم تلفات ییتکیزیلگنی ایتیلهدی.
عین حالده، اوز نامی فاش ایتیلیشی نی ایستمهگن بیر امنیتی منبع نینگ سلام وطندارگه ایتیشیچه، سنگین ولسواللیگیده اوچ امنیتی پوسته طالبلر قولیگه توشگن و بیرقطار عسکرلر بو هجوم هلاک بولگنلر.
بو پوسته لر قولگه کیریتیلگنی طالبلر تامانیدن هم تصدیق لنگن. طالبلر حرکتی سوزلاووچیسی قاری یوسف احمدی نینگ میدیاگه، سنگین ولسواللیگیده اوتکزیلگن هجومده 15 عسکر هلاک بولیب و باشقه 13 عسکر تن یرهلنگنلیگینی ایتگن.
قاری یوسف نینگ کوپیتیریشیچه، ملی کوچلرنینگ حربی جهازلر قوراللی طالبلر آرقهلی قولگه کیرتیلگن.
سونگی کونلرده طالبلر بادغیس، بدخشان، بغلان، فاریاب، ارزگان، هلمند و فراه ولایتلریده اوز قوراللی هجوملری میزانینی آشیرگن
