چهارشنبه کونی ایرته‌لب هلمند مرکزی لشکرگاه شهریده اویوشتیریلگن هجوم نتیجه سیده، محلی پولیس قومندانی گلاب‌خان ایوبی قوشیمچه، 10 کیشی هلاک بولیب باشقه 12 کیشی تن جراحت آلدی.
مذکور هجوم لشکرگاه شهری‌نینگ جامع مسجدی، هلمند والی‌سی دفتری یقینی‌ده یوزبیردی.
عینی گواه‌لرگه کوره، مذکور هجوم‌ده حج و اوقاف ریاستی اولتیریشی‌ده اشتراک ایتگن چاغ‌لریده یوزبیرگن.
هجومچیلر بیرینچی‌دن ایکی پولیس‌نی اولدیریب اوندن مسجدگه کیرگنلر.
لشکرگاه‌ده بیرینچی امنیتی حوزه پولیسی باشلیغی جان آغانینگ سلام‌وطندارگه ایتیشیچه، هجومچیلر ساعت 10ده مسجدگه کیریب امنیتی کوچلر بیلن توقنشگن‌لر.
جامع مسجدی‌ده حضور تاپکن علمالردن بیری سلام‌وطندار بیلن تلیفونی سوزلشیب ایتیشیچه، مذکور حادثه‌ده هلمند ولایتی محلی پولیس قومندانی گلاب‌خان ایوبی هم هلاک بولگن.
سونگی کونلرده عصیانچی گروه‌لر هجومی شدت‌لنگن. بوگون کندوز ولایتی‌ده یول یانی‌ده ییرلشتیریلگن ماین پارتله‌شی نتیجه‌سی، بیرباله شامل اوچ کیشی یره‌لنگن.
