دغه چاودنه نن جمعه سهار مهال د کرمېایجنسۍ د پاړهچنار «نور مارکېت» ته څېرمه سیمه کې رامنځته شوې ده.
د پاکستاني رسنیو لهخوا په ورکړل شویو راپورونو کې تر اوسه پهدې چاودنه کې د ۲۲ کسانو د وژل کېدو او د ۵۰ کسانو د ټپي کېدو خبره راغلې ده.
ویل کېږي، چې د چاودنې په ځای کې نږدې د اهل تشیع یوه امام بارګاه هم موجوده ده.
خو په سیمه کې عیني شاهدان وايي، چې دا په پاکستاني پولیسو ډلهییز برید و.
د پاکستان د پوځ د اړیکو مسوول ساجد حسین طوري په نوم یو چارواکي ویلي، چې د برید نوعیت ځانمرګی و؛ خو له ځانمرګي مخکې اول ډزې وشوې او بیا برید وشو. د ده پر وینا، سیمې ته مرستندویه ډلې لېږل شوې دي.
د چاودنې ځای له ګڼې ـ ګوڼې ډکه سیمه ګنل کېږي.
څه موده مخکې هم په پاړه چنار کې ورته چاودنه شوې وه، چې لسګونو کسانو ته یې مرګ ـ ژوبله اړولې وه.
تر اوسه د دې چاودنې د مسوولیت په اړه کومې سلهوالې ډلې څه نهدي ویلي.
