د غور د پوهنې مسوولان د مسلکي ښوونکیو له نهشتوالي او د ښوونکیو له خالي بستونو سرټکوي.
د غور د پوهنې رییس صبغت الله اکبري سلام وطندار ته وویل، چې په ۱۳۵۹ کال کې یې ۲۵۰۰ ښوونکیو ته اړتیا لرله، چې د نهشتوالي له امله یې د زرګونو زدهکوونکیو ښوونیز بهیر له ستونزو سره مخ شو. د ده په خبره، ښایي په ۹۶یم کال کې دا اړتیا ۳زرو ښوونکیو ته ورسېږي.
اکبري زیاتوي، چې له بلېخوا په غور کې لوستې خلک دې ته تیار نه دي چې د ښوونکي دنده اجرا کړي.
د غور د ولایتي شورا غړی حمیدالله متحد هم وايي، چې په ۱۳۹۵یم لمریز کال کې د ښوونکیو د کمښت او ناامنیو لامله زدهکوونکیو په سمه توګه زدهکړه ونهکړه او پهدې کال کې د غور د پوهنې کچه په ډېر ټیټ حالت کې پاتې شوه.
متحد خبرداری ورکوي، که دا ستونزه حل نهشي؛ نو ډېر زدهکوونکي به له زدهکړو زړه توري شي.
د غور د ولایتي شورا بل غړی عبدالحمید ناطقي په ښوونځیو کې د مسلکي ښوونکیو په نهشتوالي نیوکه کوي، وایي چې په غور کې اکثره ښوونکي یا له څوارلسمه پاس وي او یا دولسمه.
ناطقي غوښتنه کوي، چې د ښوونکیو د تشکیل له ډېرېدا سره دې سم د اوسنیو ښوونکیو ظرفیت لوړ شي.
د غور د پوهنې مسوولان وایي، چې دا ستونزه یې د پوهنې له وزارت سره شریکه کړې او هغوی د ډېر ژر حل ژمنه ورکړې ده.
په اوس وخت کې غور کې ۸۸۴ ابتدایه، متوسطه او لیسې شته. د غور د پوهنې مسوولان پر وینا، په دغو ښوونځیو کې ۲۲۰ زره زدهکوونکي په زدهکړو بوخت دي، چې له ۴۰ سلنې ډېره برخه یې نجونې دي.
