بوگون «سه‌شنبه» کابل‌ده خبری بیر ییغین اوتکزگن عالی اوقوو وزیری نجیب‌الله خواجه عمری‌نینگ ایتیشیچه، ایرته نیمروز، غور، لوگر، بادغیس و پنجشیر ولایت لریده کانکور سیناوی اشتراکچی‌لری‌نینگ بایومتریک لایحه‌سی باشلنه‌دی.
جناب عمری گه کوره، کانکور سیناوی اوچون رویخط‌ده آلینگن 200 مینگ کیشی آره‌سیدن 62 مینگ و 662 کیشی عالی اوقوو مؤسسه‌لریده و باشقه 53 مینگ و 770 ته‌سی یریم تعملیات مؤسسه‌لریده جذب ایتیله‌دی.
عالی اوقوو وزیری‌نینگ کوپه‌یتیریشیچه، کانکور سیناوی اشتراکچی‌لری اوچون فارسی و پشتو تیل‌لریگه 120 مینگ سوراق تیارلنگن.
عالی اوقوو وزیری‌نینگ اورغولشیچه، بو ییل کانکور سیناوی تنیق و ساخته کارلیک‌دن اوزاق یولگه قوییله‌دی.
عالی اوقوو وزیرلیگی مسؤوللری تامانیدن بیریلگن معلومات اساسیده، قویاش جاری ییل، 17- و 18- حمل‌ده کاپیسا، میدان‌وردک، پکتیا، پکتیکا، خوست و نورستان ولایت لریده کانکور سیناوی باشله‌نیشی‌گه قرار قیلینگن و قالگن ولایت‌لرنینگ کانکور سیناوی تأریخی سونگ اعلان ایتیله‌دی.
