بامیان ولایتی کهمرد تومنینینگ محلی ادارهسی و آقاخان کینگیتیریش بنیادی اوشبو تومنده زردآلو گلینینگ فیستوالینی یولگه قوییگن.
بامیان حاکمی محمدطاهر زهیرنینگ اوشبو فیستوالده ایتیشیچه، کهمرد تومنینینگ ایکینچیلیک محصولاتینی دنیا ده شهرتی بار.
کهمرد باغدارلری، اوشبو تومنده زردآلو گلینینگ فیستوالی یولگه قویلگنینی خوش قرشیلب و شونینگدیک فیستواللر باغدارلرنی تشویق قیلیب و اولرنینگ ایکینچیلیک محصولاتلریگه بازار تاپهدی دیگنلر.
کهمرد باغدارلریدن محمدرحیم و حاجی محمود نینگ سلاموطندارگه ایتیشیچه، ییلده کمیده 2 تُن زراعتی محصولات ایشلب چیقارهدیلر، بیراق کهمرد- بامیان یولیده قیینچیلیکلر بولگنی باعث، تیزلیکده محصولاتلرینی بازارگه انتقال بیره آلمهیدیلر.
کهمرد باغدارلری نینگ کوپهیتیریشیچه، اوشبو تومن یشاوچیلریدن 80% ایکینچیلیک و باغدارلیک بیلن شغللنهدی.
اولر حکومت مسووللریدن ایکینچیلیک و باغدارلیک محصولاتلریگه بازار تاپیش اوچون سعی و حرکت قیلیشی نی سورهیدیلر.
