افغانستان نینگ 8 ولایتیده 8 آی جریانیده یوز بیرگن ترافیکی واقعه‌لر نتیجه‌سیده 217 کیشی هلاک و باشقه 7 مینگ و 995 کیشی یره‌لنگن.
خودکش هجوملرنی یانیده ترافیکی واقعه‌لر هلاکت‌لی واقعه‌لردن بیری بولیب و کوپینچه قربانلیک‌لرگه سبب بولگن.
اوشبو هلاکت‌لی ترافیکی واقعه‌لر هرات، بغلان، قندهار، تخار، لوگر، دایکندی، سمنگان و غور ولایت‌لریده یوز بیرگن. بو آره‌ده هرات، بغلان و قندهار ولایت‌لریده یوز بیرگن ترافیکی واقعه‌لر کوپلب قربانلیک آلگن.
هرات ولایتی بوییچه حوزه‌یی کسلخانه باش طبیبی عارف جلالی نینگ سلام‌وطندارگه ایتیشیچه، جاری قویاش ییل باشله‌نیشیدن جاری آی اورته‌لریگچه مذکور ولایتده یوز بیرگن ترافیکی واقعه‌لردن 6 مینگ و 73 یره‌دار بو کسلخانه گه آلیب کیلینگن و بو آره‌دن 36 ته‌سی جان بیرگن. اونگه کوره، بو واقعه‌لرنی قربانلیک‌لریدن 5% عیاللر و باشقه 15% باله‌لر تشکیل بیره‌دی.
بغلان ولایتی بوییچه ساغلیق‌نی سقلش ریاست اورین باسری عبدالعلیم غفاری نینگ ایتیشیچه، جاری ییل اوشبو ولایتده ترافیکی واقعه‌لر نتیجه‌سیده 48 کیشی هلاک و باشقه 979 کیشی یره‌لنگن.
مذکور ولایتده یوز بیرگن ترافیکی واقعه‌لرنینگ قربانلریدن کوپینچه‌سی نی تینچ اهالی اینیقسه عیاللر و باله‌لر تشکیل بیره‌دی.
هرات ولایتی 36 کیشی هلاک و باشقه 6073 کیشی یره‌دار بیلن بیرینچی درجه ده توخته‌گن. بغلان 48 کیشی هلاک و 979 کیشی یره‌دار و قندهار 42 کیشی هلاک و 76 یره‌دار بیلن ایکینچی و اوچینچی درجه‌ده توخته‌گن‌لر.
تخار ولایتیده یوز بیرگن ترافیکی واقعه‌لرده 22 کیشی هلاک و 41 کیشی یره‌دار، دایکندی ده 25 کیشی هلاک و 52 کیشی یره‌دار، لوگرده 20 کیشی هلاک و 30 کیشی یره‌دار، سمنگانده 17 کیشی هلاک و 34 کیشی یره‌دار و غور ده 6 کیشی هلاک و 7 کیشی یره‌لنگن.
عین حالده، بوگون «دوشنبه، 27- عقرب» بغلان ولایتی نینگ مرکزی بغلان تومنیده 303 تیپلی یوللاوچی تاشیووچی بیر موتر دینگیزگه قولب توشگنی باعث، بیر کیشی هلاک و باشقه 40 کیشی یره‌لنگن. مذکور موتر کابل دن قندوز تامان بارماقده ایکن.
بغلان ولایتی بوییچه ترافیک مدیرلیگی مسؤوللری نینگ ایتیشیچه، تیز هیده‌ش، جاده‌لر معیاری بولمه‌گنی و ترافیکی قاعده‌لرگه هیداوچیلرنینگ دقت‌سیزلیگی باعث، مملکت‌ده ترافیکی واقعه‌لرنی میزانی آشگن.
عین مده، مملکت بوییچه ساغلیق‌نی سقلش وزیرلیگی نینگ جاری ییل سرطان آیی‌ده اعلان قیلیشیچه، آلتی آی جریانیده مملکت بویلب کمیده 4 مینگ ترافیکی واقعه رویخط‌گه آلینگن و نتیجه‌ده 322 کیشی هلاک و باشقه کمیده 20 مینگ کیشی یره‌لنگن.
شو توغریده…
هییت کونلریده یوز بیرگن ترافیکی واقعه‌لرده 2 کیشی هلاک و 432 کیشی یره‌لنگن
