افغانستان ایرکین میدیالریدن حمایت قیلووچی اداره یا-ده «نی» تشکیلاتی بیر خبرنامه نشر قیلیب مملکتده انترنت چیکلاولنتیریلیشی خصوصیده مخابرات و معلومات وزیرلیگی نینگ حرکتیدن خواطر بیلدیریب ایتیشیچه، افغانستان دولتی سوز ایرکینلیگی گه قرشی حرکت قیلیشنی ایستهیدی.
مذکور تشکیلات تامانیدن میدیالرگه یوباریلگن خبرنامهده کیلیشیچه، بیبیسی فارسی تلویزیونی بیلن صحبت اوتکزگن افغانستان مخابرات و معلومات وزیری، ملی بیرلیک حکومت مملکتده انترنت اوچون چیکلاو تعیین قیلیش خصوصیده قرار آلگنینی بیلدیرگن.
مخابرات و معلومات وزیری شهزادگل آریوبی نینگ ایتیشیچه، «انترنت گه قول تاپیش محلی بولگن و حاضر هر نرسهنی فلتر قیلیب بولهدی و هر بیر نرسه افغانستان و مدنیت ضرری گه بولگن صورتده، باغلنهدی.»
نی تشکیلاتی مخابرات و معلومات وزیری نینگ بو بیاناتلرینی افغانستان اساسی قانونی نینگ 34- مادهسیگه قرشی بیلهدی.
مملکت اساسی قانونی نینگ 34- مادهسیده کیلیشیچه، سوز ایرکینلیگی دخالتسیز دیر. هر بیر افغان اساسی قانون نینگ 34- مادهسی اساسیده، توشونچهسینی سوز، یازمه، صورت و باشقه نرسهلر بیلن بیان قیله آلهدی.
شونینگدیک، 34- ماده ده کیلیشیچه، هر بیر افغان قانون حکمی اساسیده، دولتی رسمیلرگه معلومات بیرمسدن ایستکلرینی نشر قیلیب بیلهدی.
نی تشکیلاتی نینگ ایتیشیچه، بو موضوع سونگی نیچه ییلده سوز ایرکینلیگی خصوصیده چیکلاو تعیین ایتیلیشی اوچون ملی بیرلیک حکومتی نینگ اینگ خواطرلی حرکتی بولگن و بو تشکیلات نینگ ایشانچی گه کوره، بوندهی بیاناتلر توزوم استبدادلی بولیشی اوچون بیرینچی آدیم سنلهدی.
اوشبو خبرنامه اداغیده افغانستان ایرکین میدیالریدن حمایت قیلووچی اداره، حکومتدن مخابرات وزیری نینگ بیاناتلری قیسی بیر نشانهدن مطرح ایتیلگنی و انترنتدن فایدهلنیش خصوصیده حکومت نینگ حقیقی سیاستی قندهی بولگنی توغریسیده آیدینلیک بیریشینی ایستهدی. شونینگدیک، دولت مخابرات وزیرلیگینی هر بیر کیشی دولت نشانی دن قانون گه قرشی صحبت قیلمهسی توغریسیده توشونتیریلیشی کیرهک.
شونینگدیک، مذکور اداره سوز ایرکینلیگی دن حمایت قیلووچی خلق ارا ادارهلریدن افغانستان اوستیگه رسمی و قانونی باسقینلر کیریتیب اوشبو مملکت حکومتینی بیرگن سوزلری برابریده تعهدلی قالدیریشینی ایستهیدی.
ایتیش کیرهک کیم، اوتگن ییل مخابرات وزیری شهزادگل آریوبی، مالیه وزیرلیگی سرپرستی همایون قیومی و جمهور رئیس نینگ ییریک مصلحتچیسی آمریکاده فیسبوک مرکزی ادارهسیگه باریب و افغانستان دولتی نینگ ایستکلرینی اولر بیلن شریک قیلگن.
مخابرات و معلومات وزیرلیگی سوزلاوچیسی سایر زلاند، بو اوچرهشوولردن مقصد، «افغانستان قانونلری و مدنیتی» اساسیده، فیسبوک فضاسی و عیال ایشلاوچیلر خوفسیزلیگی توغریسیده بحث قیلیش دیدی.
