جوزجان ولایتی نینگ قوشتیپه و درزاب تومنلری یشاوچیلری نینگ ایتیشلریچه، اوشبو تومنلر داکتر یوقلیگی بیلن روپهره و کسللرنی مداوا قیلینیش اوچون باشقه شهرلرده آلیب بارگونچه یول آقیمیده عالمدن اوته دیلر.
یشاوچیلرنینگ ایتیشلریچه، اوشبو ایکی تومن کوپلب منطقهسیده طالبلر بیلن امنیتی کوچلر اوروش قیلیب کیلماقدهلر و مجبور اوروشدن یرهلنگنلرنی شبرغان شهریگه کیلتیرهدیلر. یشاوچیلر، یرهلنگنلر یول آقیمیده جان بیریشلرینی تأیید قیلهدیلر.
قوشتیپه و درزاب تومنی یشاوچیلری نینگ ایتیشلریچه، کوپینچه مذکور ایکی تومنده دارو، داکتر و قابله هم تاپیلمیدی.
درزاب تومنی باشلیغی رحمتالله حشرنینگ سلاموطندارگه ایتیشیچه، مذکور تومنلرده طالبلر و داعش فعالیتی بارلیگی سبب داکترلر ایش بجریشگه جرآت تاپمیدیلر.
جناب حشرگه کوره، حتی درزاب تومنیده بیرجراح داکترهم یوق.
جوزجان ولایتی کسلخانهسی نینگ باشلیغی فریدون حبیب هم معمالرنی تأیید قیلهدی، بیراق ایتیشیچه، داکترلرنی ایشگه آلیش اوچون تلاشلری دوامی بار. جوزجان ولایتی نینگ ساغلیقنی سلقلش ریاستی رسمیلریگه کوره، اوشبو قیینچیلیک تیزلیکده حل بولهدی.
جوزجان ولایتی نینگ مهم تومنلریدن سنله دیگن قوشتیپه و درزاب تومنلری فاریاب و سرپل ولایتلری بیلن چیگره داش بولیب سونگی نیچه آیده مذکور تومنلرده ناتینچلیکلر کوپهیب بارماقده.
