.jpg)
عیاللر وضعیتی‌نی یخشی لنتیریش اوچون کوپینچه پول هزینه ایتیلگن؛ بیراق بو سعی و حرکت‌لر افغانستان عیاللری‌نینگ وضعیتی‌گه هیچ‌قندی ایجابی تاثیر قویمه‌گن.
8 مارچ، خلق ارا عیاللر کونی بیلن ماس کیلیب و هرییل بو ایام‌دن نشانلنه‌دی، بیراق عیال‌لردن بیر قطاری جامعه‌ده محروم قالیب و اولرنینگ وضعیتی‌نی یخشی لنتیریش اوچون هیچ‌قندی دقت بولمه‌گن.
افغانستان عیال‌لریدن بیری شکیبا، اوزی و عایله‌سی‌نینگ نفقه‌سینی تیارلش اوچون«روسپی‌گرلیک» قیله‌دی.
اوشبو عیال‌نینگ ایتیشیچه، 8 مارچ و باشقه برنامه‌لرنی اولر اوچون هیچ‌قندی ارزشی یوق. اونینگ ایتیشیچه، برنامه‌لر نمایشی و خاص عیال‌لراوچون یولگه قوییله‌دی.
شکیبا نینگ کوپه‌یتیریشیچه، پول قولگه کیلتیریش اوچون روسپی‌گرلیک قیلیش‌نی ایستمه‌یدی، بیراق کم بغل‌لیک و ایش سیزلیک او و باشقه اونلرچه عیال‌نی بو ایش‌گه مجبور قیلگن.
او چیرایلی دیر؛ تورموش قوریش‌نی ایسته‌یدی، بیراق تورموش اورتاغی اونینگ باکره سیزلیگی‌دن خبر بولگن صورتده، یمان وضعیت‌ده قرار تاپیشی‌دن خواطر بیلدیره‌دی.
.JPG)
اوشبو عیال‌نینگ ایتیشیچه، بازار قیلیش اوچون اوی‌دن چیقه‌دی و حاضرگه‌قدر بو واقعه‌دن هیچ‌کیم‌نی خبری یوق. او و باشقه عیاللر تانیمه‌دیگن ایرکک‌لرنی تاپیش اوچون سعی و حرکت قیله‌دیلر. اونینگ کوپه‌یتیریشیچه: «مین کبی عیاللر ایرکک‌لرگه جنسی وسیله دیر.»
شکیبا نینگ 8 مارچ خصوصیده هیچ‌قندی معلوماتی یوق. عیاللر وضعیتی‌نی یخشی لنتیریش اوچون حکومتی سعی حرکتی خصوصیده شکیبا دن سوراق سوره دیم، او جیم قالدی.
بیراق عیاللر وضعیتی‌نی یخشی لنتیریش اوچون کوپینچه پول صرف ایتیلگن و حاضرده هم 8 مارچ کبی برنامه‌لرگه هزینه ایتیله‌دی، بیراق بو پول‌لر نیمه بوله‌دی، بو پول‌دن کیم‌لر فایده‌لنه‌دی و نیمه اوچون افغانستان عیال‌لرنینگ وضعیتی یخشی لنمه‌یدی؟ شکیبانینگ جیم قالیشی‌نی بو سوراق‌لرگه جواب بیریشی ممکن.
شکیبا بو عیال‌نینگ مستعار آت‌ی دیر.
بوتوغریده…
