افغانستان ولایت‌لریدن فاریاب، هلمند، قندهار، قندوز، فراه، هرات، سرپل، جوزجان، پلخمری، زابل، غور، بغلان، سمنگان، بلخ، ارزگان و تخار اوتگن بیر هفته‌ده امنیتی کوچلر و طالبان گروهی آره‌سیده جدی آتیشمه‌لرگه گواه بولگن. بو آره‌دن فراه، فاریاب، قندهار و قندوز ولایت‌لریده تینچ اهالی کوپلب قربانلیک بیرگن.
محلی مسؤوللرنینگ ایتیشیچه، اوتگن بیر هفته‌ده مذکور ولایت‌لرده 142 مدافعه و امنیتی کوچ، 155 طالب، 77 تینچ اهالی و 7 مردمی کوچ هلاک ایتیلگن و شونینگدیک، 97 مدافعه و امنیتی کوچ، 63 طالب، 42 تینچ اهالی و 11 مردمی کوچ یره‌لنگن.
فراه، فاریاب، قندوز و قندهار محلی مسؤوللرگه کوره، شونچه انسان طالبان گروهی نینگ هجوملری، امنیتی کوچلرنینگ عملیات‌لری، یولده ییرلشتیریلگن ماین‌لر پارتله‌شی و ترورچیلیک هجوم‌لر نتیجه‌سیده هلاک ایتیلیب و یره‌لنگن.
فراه ولایت کینگشی اورین باسری شاه‌محمود نعیمی نینگ ایتیشیچه، اوتگن بیر هفته‌ده مذکور ولایتده 34 تینچ اهالی و 6 حربی عسکر یولده ییرلشتیریلگن ماین پارتله‌شی نتیجه‌سیده هلاک ایتیلگن و فراه شهریده بیر موتر و ملی خوفسیزلیک نینگ 2 ایشلاوچیسی ترور بولگن.
شونینگدیک، فراه پولیسی سوزلاوچیسی محب‌الله محب، مذکور ولایتده بولگن قربانلیک رقمی‌نی تصدیقلیدی.
فراه دن کیین غزنی و فاریاب ده امنیتی کوچلر کوپلب قربانلیک بیریشگن. غزنی محلی مسؤوللریگه کوره، اوتگن هفته مذکور ولایتده امنیتی و مدافعه کوچلری نینگ عملیاتی نتیجه‌سیده 83 قوراللی طالب، 9 حربی عسکر و 4 تینچ اهالی هلاک ایتیلگن.
اولرنینگ ایتیشیچه، شونینگدیک اوشبو عملیات‌لرده 31 طالب، 27 حربی عسکر و باشقه 5 تینچ اهالی یره‌لنگن.
سلام‌وطندارگه صحبت بیرگن فاریاب ولایت کینگشی اعضاسی فضل‌الحق محمدی نینگ ایتیشیچه، فاریاب ولایتی نینگ بل‌چراغ تومنیده امنیتی کوچلر و طالبان گروهی آره‌سیده یوز بیرگن آتیشمه نتیجه‌سیده، 8 محلی عسکر و 12 کوماندو هلاک ایتیلگن.
پروان ولایتیده اویغونلشتیرووچی مرکز قومندانی الوزی احمدی نینگ سلام‌وطندارگه ایتیشیچه، اوتگن بیر هفته‌ده پروان ولایتیده امنیتی کوچلر و طالبان آره‌سیده یوز بیرگن آتیشمه‌لرده 10 تینچ اهالی، 3 پولیس و 11 جنگری طالب هلاک ایتیلگن.
اونگه کوره، شونینگدیک بو هجوملرده 1 تینچ اهالی شامل 15 حربی عسکر و 9 طالب یره‌لنگن.
شونینگدیک اوتگن هفته هرات ولایتی نینگ کشک‌کهنه و شیندند تومنلری طالبلرنینگ آغیر هجوم‌لریگه گواه ایکن.
هرات ولایتی کینگشی نینگ خوفسیزلیک کمیته مسئولی وکیل‌احمد کرخی نینگ ایتیشیچه، اوتگن هفته طالبان هرات ولایتی نینگ کشک‌کهنه تومنی بازاری‌ده‌گی محلی و پولیس کوچلری پوسته‌سی اوستیگه هجوم قیلگن کیم نتیجه‌ده، محلی حربی‌لردن 11 ته‌سی هلاک و باشقه 5 ته‌سی یره‌لنگن.
هرات پولیس قومندانلیگی نینگ مطبوعات سرپرستی فرزاد فروتن، طالبلر هجومی نی تصدیقلب بیراق ایتیشیچه، مذکور هجوملرده 4 پولیس هلاک ایتیلگن. بیراق جناب فروتن محلی حربیلر تلفاتی توغریسیده هیچ بیر نرسه دیمه‌یدی.
گزارشلر اساسیده، اوتگن هفته هرات ولایتی نینگ شیندند تومنیده طالبان جنگریلری آره‌سیده یوزبیرگن آتیشمه‌ده، 5 تینچ اهالی هلاک و باشقه 5 کیشی یره‌لنگن.
هرات محلی مسئوللری گه کوره، شونینگدیک مذکور آتیشمه‌لرده ایکی تاماندن 10 قوراللی طالب هلاک و باشقه 10 طالب تن جراحتی کوتارگن.
دولتی منبع‌لرنینگ گزارشلری اساسیده، اوتگن هفته‌ده امنیتی کوچلر و طالبان گروهی جنگریلری آره‌سیده یوزبیرگن آتیشمه‌لرده، قندهار ولایتیده 10 تینچ اهالی و 10 عسکر، هلمند ده 10 عسکر، قندز ده 10 پولیس، ارزگان ده امنیتی کوچلردن 7 ته‌سی، زابل ده 5 تینچ اهالی و امنیتی کوچلردن 8 ته‌سی، غور ده حربی کوچلردن 7 ته‌سی و 3 پولیس، جوزجان ده امنیتی کوچلردن 6 ته‌سی، تخارده امنیتی کوچلردن 5 ته‌سی، سرپل ده 5 پولیس، پلخمری ده امنیتی کوچلردن 5 ته‌سی و سمنگان ده مردمی کوچلردن 7 ته‌سی هلاک ایتیلگن.
بوگون «شنبه» کابل‌ده بیرلشگن ملتلر تشکیلاتی‌نینگ اورین باسرلیک هیأتی (یوناما) تینچ اهالی تلفاتی توغریسیده ینگی بیر گزارش ترقه‌تیب ایتیشیچه، اوتگن آی‌ده افغانستان‌ده تینچ اهالی تلفاتی یوقاری درجه گه ییتیشگن.
یوناما نینگ ینگی گزارشی گه کیلیشیچه، جاری آی‌ده زوروانلیکلر نتیجه‌سیده، 1 مینگ و 500 دن آرتیق تینچ اهالی هلاک و یره‌لنگن.
یوناما نینگ اوشبو گزارشی ده اوتگن آی جریانیده تینچ اهالی قربانلری کوپه‌ییش عاملی دولت گه قرشی قوراللی جنگریلر تانیلگن.
