سونگی ایکّی کوندن بیری هلمند ولایتینینگ بیر قنچه تومنلریده دوام ایتهجک آغیر اوروش نتیجهسیده کابل – هرات عمومی ترانسپورت یولی ترافیک یوزیگه یاپیلیب قالگن.
یولاوچی تَشیوچی بیر قطار موتر هیداوچیلرینینگ ایتیشلریچه، اوچ کوندن بیری لشکرگاه – قندهار عمومی ترانسپتورت یولیدن بیر مرته هم باریب کیلمه گنلر. بولر، قوراللی طالبلر موتر هیداوچیلرینی مذکور یولدن اوتیب قیتمسلیک اوچون آگاهلنتیرگن دیدی.
اما، هلمند ولایت والیسی حیاتالله حیاتنینگ سلاموطندارگه معلوم قیلیشیچه، یوقاریده ایسله تیلگن عمومی ترانسپتورت یول فقط اوچ ساعت ترافیک یوزیگه یاپیلگن. والی، هلی یولده اونچهلیک جدی قیینچیلیک یوق دیگن.
هلمند ولایتینینگ والیسی، قوراللی طالبلر عمومی یولدهگی بوتون کوپریکچهلرنی نابود قیلگن دیدی. عین حالده، بوزیلگن کوپریکچهلرنی قیته قوریش اوچون ایش باشلنگن دیدی ولایت والیسی .
حال بوکه، هلمند ولایتینینگ مارجه، نادعلی، گرمسیر و ناوه تومنلریده جنگری طالبلر بیلن ملی کوچلر اورتهسیده آغیر اوروش جریانی بارلیگی تاکیدلنهدی. ولایت والیسی، وضعیت کنترول آستیگه آلینگن و تیزلیکده نابرقرار تومنلرده حربی عملیات اوتکزیلهدی دیگن.
ایتیلیشیچه، اخیرگی وقتلرده عصیانچی طالبلر بیلن ملی کوچلر اورتهسیده یوز بیرگن اوروش همده خلق ارا حربیلر تامانیدن اوتکزیلگن هوا هجومی عاقبتیده 300 طالب و 30 عسکر عالمدن اوتگن.
