میدان وردک و لوگر ولایتلری تورتینچی لوا قوماندانی جنرال عبدالرازق ساپی، بوگون ایرتلب یوزلب طالب تورت تاماندن لوگر ولایتی نینگ ارزه ولسواللیگی اوستیگه هجوم قیلگنلیکلرینی ایتگن.
سلام وطندار بیلن تیلفونی صحبت قیلگن ساپی، اوروشده بیش تینچ اهالی و 17 طالب داخل ایکی پولیس هلاک بولگنلیگینی ایتگن.
باشقه تاماندن لوگر ولایت کینگشی نینگ اعضاسی عبدالولی وکیلگه کوره، مذکور توقنشووده عادی اهالیگه زیان ییتگن. اما، او هلاک بولگنلر و یرهلنگنلر سانی بارهسیده انیق معلومات بیرمهگن.
شونینگدیک وکیل، افغانستان مرکزی حکومتیدن ملی کوچلر جهازلهنیشی اوچون بو ولایتگه امکانیت جونهتیش نی سورهگن. او، مذکور ولسواللیکده حربی کوچلر سانی آشیریملهگن حالده، بو ولسواللیک طالبلر تصرفیگه اوتیشی ممکن دیگن.
عینحالده، مملکت ملی مدافعه وزیرلیگینینگ بلند مرتبهلی رسمیلری، طالبلر نابود ایتیلیشی اوچون ییرتلی درجهده حربی کوچ یوبارلیگن لیگینی ایگنلر. مذکور وزیرلیک نینگ تورتینچی لوا قوریقلیک قوماندانی، طالبلر بو ولسواللیکدن قیتهدن چیقاریلیشی اوچون تازهنفس حربیلر یوباریلیشیدن خبر بیرگن.
ولایت یشاووچیلریدن بیری سردارولی نینگ سلام وطندارگه بیلدیریشیچه، اوروش ده 5 تینچ اهالی قربان بولگن و ولسواللیک بازاری هم یاپیلب قالگن.
حادثه مسوولیتینی اوز ذمهسیگه آلگن قوراللی طالبلر ملی کوچلر نیچه پوستهسینی تصرف قیلگنلیکلرینی ادعا قیلگنلر.
بوندن آلتی آی آلدین اوز نامی فاش ایتلیشینی ایستمهگن بیر منبع سلام وطندارگه، قوراللی طالبلر اوشبو ولسواللیکنی تصرف قیلیش اوچون ییریک پلان آلگنلیکلرینی ایتگن ایدی.
مذکور منبع گه کوره، بو اولتیریشلرده طالبلرنینگ بلندمرتبهلی رسمیلری اشتراک ایتیب، مذکور تومن نی باسیب آلیش اوچون ریجه تیالگنلر.
منبع گه کوره، بو اولتیریش ده طالب لرنینگ ازره ولسواللیگیده ایسکی ولسوالی، جانوخیل تومنی نینگ یشاووچیسی و بابوس تومنی نینگ حاضرگی ولسوالی مفتی عبدالوکیل، ازره تومنی تنگ قیشلاق یشاووچیسی و مذکور ولسواللیک طالبلر زمانیدهگی ولسوالی مولوی صدراعظم، طالبلرنینگ خوشی ولسوالی ایتیب تعین لنگن ولسوالی اماراتی، ننگرهار و ارزه یولی مسوولی قاری داودد، حاضرگی کونلرده ازره تومنی ده نام لنگن ولسوال مولوی عبدالرحمان و لوگر ولایتیده طالبلرنینگ مشهور قوماندانلریدن بیری اباسین ازره تومنی اوستیگه اویوشتیریلگن هجومنی ریجهلگن.
لوگر ولایتینینگ سابق سرپرستی نیازمحمد امیری، شوندهی بیر ریجه اویوشتیریلگنینی قبول ایتیب ایتیشیچه، امنیتی کوچلر لوگرده طالبلرنینگ هجوم گه قرشی تیارگرلیک آلگن و اولرنینگ هر بیر هجومی گه جواب بیرهدی.
ازره لوگر ولایتی نینگ تومنلریدن بیری بولیب افغانستان بیلن پاکستان نینگ اوچ ولایتی بیلن چیگره داش بولگن و استراتیژیکی منطقهلردن بیری سنلهدی.
طالبلر مذکور ولسواللیکنی کلابندی منطقهسیده حضور تاپگن و 7 ییلدن بویان لوگر ولایتی نینگ مرکزی پل علم یولی و ازره تومنی اوستیگه حاکم بولگن. بو منطقه اهالیسی بیرینچیدن ننگرها، اوندن کیین کابل و کابلدن مذکور ولایتنی مرکزی بارهدی.
