بوگون "سه‌شنبه" 45 کینگی‌تیریش پروژه شرطنامه‌سی، بیرلشگن ملت‌لر تشکیلاتی‌نینگ رواجلنتیریش برنامه‌سی و جاپان‌نینگ جایکای موسسه‌سی نماینده‌لری‌نینگ حضوریده، قیشلاقلرنی رواجلنتیریش وزیرلیگی مسووللری و کینگی‌تیریش کینگش‌لر آره‌سیده امضا ایتیلدی.
قیشلاقلرنی رواجلنتیریش وزیری مجیب‌الرحمان کریمی‌نینگ ایتیشیچه، مذکور پروژه‌لرنی 121 میلیون افغانی ارزشی بولیب و عملگه آشیریلگن صورتده، 85 مینگ کیشی مستقیم صورتده، بو پروژه‌لردن فایده‌لنه‌دی.
اونینگ ایتیشیچه، مملکت باشقه 850 مینگ یشاوچیسی غیر مستقیم صورتده، اوشبو پروژه‌لر منفعت‌لریدن فایده‌لنه‌دیلر.
قیشلاقلرنی رواجلنتیریش وزیری‌گه کوره، بو پروژه‌لر بدخشان ولایتی‌نینگ شهربزرگ تومنی، تخار ولایتی‌نینگ چاه‌آب، دشت‌قلعه و ینگی قلعه تومن‌لری، بلخ ولایتی‌نینگ خُلم تومنی و قندوز ولایتی‌نینگ امام‌صاحب تومنیده عملگه آشیریله‌دی.
اونینگ کوپه‌یتیریشیچه، مذکور پروژه‌لرنی حیاتی خذمت‌لرنی کوپه‌یتیریش چارچوبیده افغانستان و تاجیکستان‌نینگ قوشنی چیگره‌لریده عملگه آشیریلیشی ممکن.
جاپان خلق ارا همکارلیک اداره‌سی یا-ده جایکا نینگ نماینده‌سی هارون خاور، اوشبو پروژه‌لرنینگ کیفیت‌لی و تینق شکلده عملگه آشیریلیشی اوستیگه تاکید قیله‌دی.
افغانستان بوییچه (UNDP) یا-ده بیرلشگن ملت‌لر تشکیلاتی‌نینگ رواجلنتیریش و ترقیات برنامه‌سی نماینده‌سی‌نینگ ایتیشیچه، لیتاکا پروژه‌سی اقتصاد رواجلنیشی، دایمی ترقیات و چیگره‌نی ایکی تامانیدن بولگن افغانستان و تاجیکستان یشاوچیلری آره‌سیده همکارلیک رواجلنیشی‌دن حمایت قیله‌دی.
شوتوغریده …
- وطنداشلیک شرطنامه‌سی؛ 6 مینگدن آرتیق پروژه عملگه آشیریلگن
900 میلیون دالرلیک اقتصادی پروژه‌لر شرطنامه‌سی امضاءلندی
قیشلاقلرنی رواجلنتیریش وزیرلیگی مسووللری‌نینگ ایتیشیچه، حاضرگه‌قدر اوشبو ریجه آرقه‌لی قیشلاقلرده حیات کیچیره‌دیگن 1600 کیشی‌گه دایمی ایش زمینه‌سی یره‌تیلگن و باشقه 450 عایله‌گه ایش زمینه‌سی یره‌تیش اوچون قرار قیلینگن.
لیتاکا برنامه‌سی جاپان خلق ارا همکارلیک اداره‌سی تامانیدن تمویل ایتیله‌دی و اوشبو ریجه افغانستانده قیشلاقلرنی رواجلنتیریش وزیرلیگی و تاجیکستان تامانیدن بیرلشگن ملت‌لر تشکیلاتی نینگ رواجلنتیریش ریجه‌سی آرقه‌لی عملگه آشیریله‌دی.
