.jpg)
بوگون «پنج‌شنبه» افغانستان 40 ییل‌لیک اوروشی قربانی‌لری‌نینگ عایله اعضالریدن اونلرچه‌سی دیوارلر و تابلولرده عزیزلری‌نینگ صورت‌لرینی کوریب ینه بیر مرته یاش توکدیلر.
ایرته «جمعه» 15- فبروری روس کوچلری‌نینگ افغانستاندن چیققنینی 30 ییللیگی دیر و بوگونلر افغانستان تینچلیککه ییتشماقچین. شوندی بیرحالده افغانستان انسان حقلری و دموکراسی کمیسیونی افغانستان 40 ییل‌لیک اوروشی قربانی‌لری‌نینگ اِیسلیک موزیمی‌نی افغانستان اِیسلیگی و سوزلشوولری مرکزی نامی آستیده آچدی.
افغانستان اِیسلیگی و سوزلشووی موزیمی‌ده، اوروش قربانی‌لری‌نینگ کییمی و لوازم‌لری توپله‌نیب کورگزمه گه قوییله‌دی. اوشبو صورتلر و لوازم‌لرنینگ توپله‌نیشی 8 ییل وقت آلگن.
بو ییرده خودکش هجوم‌ده هلاک بولگن بیر طلبه‌نینگ ایاققابی‌سی و کیفی کورینه‌دی.
.jpg)
افغانستان انسان حقلری و دموکراسی موسسه‌سی باشلیغی هادی معرفت‌نینگ ایتیشیچه، مذکور صورتلر، کییم‌لر و لوازم‌لر 1357- ییل‌دن بویان گه تیگیشلی دیر. معرفت جنابلری اوشبو موزیم نینگ قوریش‌دن هدف، اوروش قربانی‌لری‌نینگ اِیسلش و تینچ کیله‌جکده ییتیشیش دیدی. اونینگ کوپه‌یتیریشچه، انسان و انسانیت نی اورته‌دن کیتیشی نی یخشی دیب بولمه‌یدی و اولر هرقندی علاقه دن وازکیچیب 40 ییل نینگ اوروشی‌دن قالگن نِرسه‌لرنی کوزگزمه گه قویگنلر.
جناب معرفت‌نینگ ایتیشیچه، افغانستان نینگ 40 ییل‌لیک اوروشی افغانستان یشاوچیلری و قربانی‌لریدن 40 ییل یشش فرصتی نی آلگن و اوشبو اوروش‌لر افغانستان کیله‌جگی نی نابود قیلگن. معرفت گه کوره، اوشبو ییل‌لرده قربانیلر گه یاردم بیریش توغریسیده هیچ قندی لایحه قولگه آلینمه‌گن و نهایتده بعضن قصدی شکلده جنایتلر و قربانیلرنی اونوتیش گه سعی و حرکت قیلینگن.
.jpg)
انسان حقلری ایرکین کمیسیونی باشلیغی سیماسمر اوشبو موزیم‌نینگ آچیلیشی‌دن خرسندلیک بیلدیریب ایتیشیچه، قربانی‌لرنینگ اونوتیلیشی اوچون سعی و حرکت قیلینیشی زوروانلیک‌لرنی کوپه‌یشی گه سبب بوله‌دی. اونینگ کوپه‌یتیریشیچه، قربانی‌لرنینگ اِیسلش عدالت تامین‌لنیشی گه یاردم بیره‌دی. خانم سمر گه کوره، اوشبو موزیم حادثه قربانی‌لری‌نینگ عامل لریگه آزارلنتیروچی بولیشی ممکن. اونینگ ایتیشیچه، یره‌لرگه مرهم قوییلگونگه قدر، تینچ کیله‌جک تصوری قیین دیر.
شونینگدیک قربانیلر عایله‌لری مذکور موزیم آچیلیشی‌دن خرسندلیک بیلدیریب ایتیشلریچه، اوشبو مرکز و موزیم قربانی‌لرنینگ اِیسی نی منگو قیله‌دی.
افغانستان انسان حقلری و دموکراسی موسسه‌سی مسئولری‌نینگ ایتیشلریچه، مذکور موزیم برچه یشاوچی‌لرنینگ یوزیگه آچیق دیر و اولر اوشبو مرکزی‌نینگ شاخه‌لرینی باشقه ولایتلر و حتا مملکت‌لرده آچیلیشی اوچون حرکت قیله‌دیلر.
