زابل ولایتی‌نینگ محلی بلند مرتبه‌لی رسمی‌لری، هزاره قومی نینگ 30 کیشی‌سی نامعلوم قورال‌لی شخص‌لر تامانیدن غزنی – زابل عمومی ترانسپورت یولیده اوغیرلگن‌لیگی باره سیده خبر بیرماقده‌لر. ایتیلیشیچه، اوشبو شخص‌لر موتردن توشیریلیب نا معلوم ییرگه آلیب کیتیلگن.
ایران‌دن قیتگن اوشبو قاچقین‌لر قندهار ولایتی‌دن کابل تامان کیلیش بیر چاغده اوغیرلگن لیک‌لری ایتیله‌دی. زابل ولایتی شاه جوی تومنی نینگ ولسوالی عبدالخالق ایوبی بوگون سه‌شنبه حوت آیی‌نینگ 5- سی سلام وطندار رادیوسی‌گه ایتیشیچه، اوتگن کون کیچ‌ده مذکور ولسوالیک نینگ پش‌کندهء منطقه سیده داعش گروهی نینگ قورال‌لی شخص‌لری کابل تامان یولاووچی‌سی بولگن موترنی توخته تیب، هزاره‌لردن عبارت اوتیز یولاووچی‌نی اوزلری بیلن آلیب کیتگن.
ایوبی نینگ محل ده‌گی عینی گواه‌لرگه اساسلب بیلدیریشیچه، قاره کییم‌ده بولگن اوشبو قورال‌لی شخص‌لر تشقی( خارجی) تیلیده سوزلر ایکن‌لر. شونینگ‌دیک عینی گواهلر، بیرینچی مرته قاره کییم‌ده بولگن بوکبی انسانلرنی کوزه‌تگن لیک‌لرینی تیلگه آلگن‌لر. عین حالده جناب ایوبی‌گه کوره، اوغیرلگن‌لر برچه سی شمالی ولایت‌لرنینگ اهالی‌سی بولگن.
ایران‌دن کیلگن مذکور قاچقین‌لر قندهار یولی بیلن کابل کیلیش نیت‌ده بولگن لیک‌لری رسمی‌لر تامانیدن تیلگه آلینگن. ایوبی اوغیرلگن‌لرنینک کوپچیلیکی هزاره قومی ایکن لیگی‌نی تصدیق‌له گن.
سلام وطندار خبرچی‌سی نینگ جناب ایوبی‌گه بو حرکت قورال‌لی طالب‌لرنینگ ایشی بولگن می یا – ده باشقه بیر گروهی فعالیتی می دیگن سوال بیلن قیلگن مراجعتی‌گه، جناب ایوبی بوندن آلدین‌لر طالب‌لر موترلرنی تینتاو قیلگن، اما هیچ بیر کیشی‌نی اوزلری بیلن آلیب کیتمه گن لیگی‌نی بیلدیرگن.
اونینگ ایتیشیچه، بو قورالی طالب‌لر حرکتی نینگ ایشی ایمس « ممکن داعش گروهی نینگ ایشی» دیر. شونینگ دیک طالبان تامانی هم هنوزگچه بو خصوصده بیرار نرسه دیمه گن. موجود گواه‌لرگه قره گنده بو ایش داعش حرکتی‌گه طرفدار کیشی‌لر آرقه‌لی عمل‌گه آشیریلگن بولیشی ممکن لیگی انیق لنه‌دی.
طالبان گروهی نینگ هنوزگچه قوم، مذهب و تیل کبی مسله‌لرگه عاید انیق موضوعی بولمه گن. اسلامی دولت گروهی یا داعش خارجی لر بیلن اوروش آلیب باریش‌دن علاوه اوز اوروش‌لریده مذهب‌گه تیگیشلی موضوع‌لرنی هم نظرده توتیش‌لری ایتیله‌دی. عراق‌ده مذکور گروه شیعه مذهب ایزداش‌لری بیلن جدی مخالف‌ده بولگن. ایریم حال‌لرده شیعه لرگه قره‌شلی زیارت‌لرنی اوتگه یاندیریب اولرنی کافر خطاب قیلیشگن. شوکبی عینی گواهلر، محل رسمی‌لر یگه بو ایش طالب‌لر فعالیتی بولمه گن لیگی‌نی ایتگن‌لر.
اوغیرلنگن‌لر ایچیده خاتین قیزلر قوشیمچه باله‌لر بولمه گن‌لیگی کوزه تیلگن. رسمیلرگه کوره، بو توغریده تیکشیرو ایش‌لر باشلنگن. هنوزگچه هم داعش گروهی تامانیدن اوغیرلنگن هزاره‌لر قه ییرگه آلیب باریلگن‌لیگی معلوم ایمس. بو ایش داعش نینگ حرکتی بولگن‌لیگی معلوم قیلینگن تقدیرده، مذکور گروه افغانستان‌ده‌گی فعالیتی‌نی مذهبی‌گه عاید مسله‌لرگه قره‌ش بیلن باشله گن‌لیگی بیلینه‌دی.
ملی بیرلیک حکومتی نینگ اجراییه باشلیغی داکتر عبدالله عبدالله دوشنبه کونی مطبوعات‌ده بولگن نطق سوزیده ایریم‌لر داعش باره سیده حد دن تشقری تبلیغ قیلیش لرینی ایتگن ایدی. بیراق، قطار شخص‌لرداعش نینگ افغانستان ده‌گی فعالیتی‌گه اصلا اعتبار بیرمی دیلر.
