.jpg)
افغانستان بوییچه اداری فسادگه قرشی کوره‌ش ترماغی‌نینگ تیکشیروولری نتیجه‌سیگه کوره، کانلر و پترولیم وزیرلیگی، 217 شرطنامه‌دن 10 میلیون دالر پاره آلگن.
بوگون «شنبه» کابل‌ده افغانستان بوییچه اداری فسادگه قرشی کوره‌ش ترماغی، کانلر و پترولیم وزیرلیگی‌دن ینگی‌لیک‌ده قولگه کیریتگن معلوماتی‌نی ترقه‌تدی.
اوشبو اداره رسمی‌لری، کانلرنینگ شرطنامه‌لری خصوصیده، کانلر و پترولیم وزیرلیگی رسمی‌لرینی پاره خورلیک‌که عیب‌له‌یدی.
اولرنینگ ایتیشیچه، مذکور وزیرلیک رسمی‌لری، قیمت بها و یریم قیمت بها تاشلر کانلری خصوصیده، 217 شرطنامه‌نی پارلمان اعضالری، وزیرلر و زوره‌وان کیشی‌لرگه بیریب و اولردن 10 میلیون دالر پاره آلگن.
حکومت‌دن تنقید قیلگن اداری فسادگه قرشی کوره‌ش ترماغ باشلیغی خان زمان امرخیل‌نینگ ایتیشیچه، شرطنامه باغله‌گن شرکت‌لردن کوپینچه‌سی افغانستان کانلرینی ناقانونی شکلده قازیب چیقاره‌دی و بو ایش مملکت کانلری‌گه کوپلب زیان ییتکیزه‌دی، بیراق کانلر و پترولیم وزیرلیگی بوتوغریده بی‌فرق یانده‌شه‌دی.
.jpg)
شونینگ‌دیک، اداری فسادگه قرشی کوره‌ش ترماغ اعضاسی ذبیح‌الله وردک‌نینگ ایتیشیچه، مملکت کانلریدن قولگه کیریتیله‌دیگن درامدلردن کوپینچه‌سی دولت‌گه قرشی قوراللی عصیانچیلرنینگ چونته‌گی‌گه کیره‌دی. جناب وردک، حکومت‌دن ناتینچ ولایت‌لرده قول قوییلگن شرطنامه‌لر بوشه‌تیلیشی‌نی سوره‌دی.
افغانستان بوییچه اداری فسادگه قرشی کوره‌ش ترماغ رسمی‌لری‌نینگ ایتیشیچه، کانلر و پترولیم وزیرلیگی تامانیدن صادر ایتیلگن 905 شرطنامه جمله‌سیدن 14 شرکت سالیق بیرمه‌گنی اوچون حکومت‌دن 8.5 میلیون دالر قرضدار قالگن. اولر، حکومت‌دن بو شرکت‌لرنی تیرگاوگه آلیشینی طلب قیلگن.
اوشبو ترماغ مسؤوللری‌نینگ کوپه‌یتیریشیچه، مذکور 14 شرکت‌گه قوشیمچه، سمنت غوری ایشخانه‌سی، نفت چین ملی شرکتی و وطن کمپنیه گروپی، حکومت‌گه سالیق‌لرینی توللمه‌گن.
بو توغریده کانلر و پترولیم وزیرلیگی‌نینگ فکرینی اورگه‌نیش اوچون علاقه قوردیک؛ بیراق تکرار علاقه بیلن مؤفق بولمه‌دیک.
