بوگون «یکشنبه» کابلده خبری ییغین اوتکزگن تیمیر ایریتووچی ایشخانهلر بیرلیگینی باشلیغی پرویز خواجهزاده نینگ ایتیشیچه، تیمیر ایریتووچی ایشخانهلر سقوط قیلماقده.
اونینگ کوپهیتیریشیچه، بونینگ سببی قوشنی مملکتلردن آلیب کیلینهدیگن تیمیرلر سالیغی کمهییشی، دمپنگ تیزیمی و سینیق تیمیرلر مملکتدن تشقری قاچاق بولیشی دیر.
خواجهزاده گه کوره، حاضرده مملکت 14 ولایتیده تیمیرنی ایریتووچی ایشخانهلر فعالیت قیلهدی؛ بیراق باشقه 20 ولایتنینگ تیمیرلری چیتایلگه قاچاق بولهدی.
اونینگ آگاهلنتیریشیچه، بو ایشخانهلر وضعیتیگه حکومت تامانیدن دقت بولمهگن حالده، 450 میلیون افغانی هزینه بیلن قوریلگن 38 ایشخانهنینگ فعالیت قالیب و مذکور ایشخانهلرگه شغللنگن 12 مینگ کیشینی ایشسیز بولیشی ممکن.
اونینگ کوپهیتیریشیچه، منطقه مملکتلری، افغانستانده فعالیت قیلهدیگن تیمیر ایریتووچی ایشخانهلرنی نابود قیلیش اوچون سعی و حرکت قیلهدی.
عینحالده، تیمیر ایریتووچی ایشخانهلر بیرلیگینی اورین باسری عصمتالله وردک نینگ ایتیشیچه، تیمیر یوکلنگن یوزلرچه موتر هرکون اسپینبولدک چیگرهسیدن پاکستانگه انتقال بیریلهدی و گمرکلرده هم جدی نظارت یوق.
اونینگ کوپهیتیریشیچه، بو ییرده فردی منفعت مطرح ایمس و بو توغریده دقت بولمهگن صورتده، اوشبو وضعیتنی قیتهدن توزهتیش زمان آلهدی.
تیمیر ایریتووچی ایشخانهلر بیرلیگینی مسووللریگه کوره، تیمور ایریتووچی ایشخانهلر حاضرده مملکتنینگ تیمیر نیازمندنلیکلریدن 40%نی برطرف قیلهدی و تیمیر خصوصیده بولگن قیینچیلیکلر حل ایتیلگن صورتده، مملکتنینگ تیمور خصوصیده بولگن نیازمندلیکلریدن 70%نی مذکور ایشخانهلر برطرف قیلهدی.
