.jpg)
«نامؤفق بیر قونغیراق اوچون 200 افغانی توللش گه مجبور ایدیک.» بو محمدظاهرنینگ جمله‌سی دیر و او، کمیده 15 کون طالبان نینگ قماقخانه‌سیده قالگن و امنیتی کوچلرنینگ عملیاتی نتیجه‌سیده نیچه کون آلدین قوییب یوباریلگن.
میمنه-مزارشریف قتناو یولیده محلی پولیس صفتیده وظیفه قیلگن محمدظاهرنینگ ایتیشیچه، 15 کون ییر آستیده قماقده ایکن و شونچه کونده بیر مرته هم قویاشنی کورمه‌گن.
او، اسیرلیک و قیناققه سالینگن کونلریدن ایسلب ایتیشیچه، باشقه 60 کیشی بیلن بیرگه‌لیک‌ده قارانغو بیر اتاق ده کوپ کونلرنی کیچیرگن و شونچه مدتده اتاق تارلیگی باعث، بیر-بیراوی نینگ یانیده اوزه‌لیب یاتیش گه مجبور بولیشگن.
محمدظاهرنینگ ایتیشیچه، یریم آی جریانیده ایکی مرته عایله‌سی بیلن صحبت قیلگن و هر بیر مرته نامؤفق بیر قونغیراق ده قوریقچی گه 200 افغانی بیریش گه مجبور بولگن، «قوریقچی هر بار باشیمیزده تورردی و او تاماندن برقرار ایتیلگن قونغیراققه سقلنگن ییر توغریسیده بیران نرسه دییلمه‌سی اوچون قولاق سالردی.»
.jpg)
محمدظاهر اوزیدن صحبت قیلیب ایتیشیچه، هر بیر مرته کسل بولگنده، او و باشقه همراهلرینی دارولش گه هیچ بیر داکتر تاپیلمس ایکن.
طالبان قوریقچی‌لرینی شلاقلری توغریسیده اونینگ ایتیشیچه، او بیلن قیناققه سالینه‌دی ایکن‌لر و اونینگ جایی ده کیم‌سه قرار تاپمه‌سی توغریسیده دعا قیله‌دی.
محمدظاهر حاضر خرسند کورینه‌دی؛ حاضر محمدظاهر ایرکین دیر، بیراق مملکت ده حیات کیچیریش خصوصیده امید قیلمه‌دی؛ اونینگ ایتیشیچه، ینه بیر بار بو اچیق حکایه تجربه‌لنیشیدن قورقه‌دی.
شو توغریده…
