بامیان ولایتینینگ یشاووچیلری و مدنی فعاللر، طاهر زهیرنینگ بامیان والیسی صفتیده تعینلنیشینی خوش قرشیلهگنلر. اهالی، طاهر زهیر اوچون نماینده لر نینگ بیلدیرگن قرشیلیگینی ناتوغری دیگنلر.
تخمینن اوچ هفته آلدین جمهور رییس بیر فرمان آرقهلی طاهر زهیرنی بامیان والیسی صفتیده تانیشتیرگن ایدی. بیراق ایریم قرشیلیکلر باعث، جناب زهیر حاضرگه قدر ایشنی رسمی شکلده باشلمهگن.
بامیاننینگ پارلماندهگی نمایندهلری، جناب زهیر مذکور ولایت ینگی والیسی صفتیده تعینلنیشیگه مخالفت بیلدیریب، بامیان ولایت بناسی قرشیسیده ناراضیلیک چادر تیکلهگنلر.
اما، اوشبو ولایت مدنی فعاللرینینگ ایتیشیچه، نمایندهلر ناراضیلیگینی جناب زهیر جمهور رییس تامانیدن تانیشتیریلمسدن آلدین کورسهتیشی کیرهک ایدی.
مذکور ولایت مدنی فعاللریدن بیری امین ابتهاج نینگ سلام وطندارگه ایتیشیچه، نمایندهلرنینگ مسوولیتی قانوندن حمایت قیلیش و قانوننی تیکشیریش دیر، والیلر، ولسواللر و ریاستلر باشلیغلرینی تعین لنیشیگه مصلحت بیریش ایمس. جناب ابتهاج، قانونگه اساس جمهور رییس حکمی قبول دیر و بامیان نمایندهلری مساله اوچون ارهلشمسلیکلری کیرهک دیگن.
شونینگدیک بامیان ولایتی مدنی فعاللرنینگ ایتیشیچه، والی یوق لیگی، مذکور ولایتده قیته قوریش و رواجلنتیریش برنامهلرعملگه آشیریلمسلیگیگه سبب بولگن.
بامیان اهالیسیدن بیرقطاری مذکور ولایت ینگی والیسیدن حمایت بیلدیریب، بامیان یشاووچیلری والی یوقلیگیدن خسته بولگن و جمهور رییس تامانیدن ینگی والی تانیشتیریلیب ایشگه باشلهشینی سورهگنلر.
مذکور ولایت یشاووچیلریدن بیری امین الله عیان ینگی والی اوز ایشیگه باشلشنی طلب قیلگن. اونینگ کوپیتیریشیچه، بامیان اهالیسی طاهر زهیرنینگ مذکور ولایتنی ینگی والیسی صفتیده تانیشتیریلگنیدن راضی دیر.
عین حالده، بامیان نمایندهلری ناراضیلیک چادر تیکلب، طاهر زهیرنی بامیان باریشی گه قرشی لیک کورسه تیب، جناب زهیر بامیان ولایتی اوچون مناسب کیشی ایمس دیگنلر.
بامیان ولایتینینگ پارلماندهگی نمایندهلریدن بیری عبدالرحمان شهیدانی نینگ ایتیشیچه، اولر ایکّی آیدن بویان جمهور رییس و اجراییه باشلیغی بیلن صحبت لهشیب یخشی بیر کیشی بامیان والیسی صفتیده تانیشتیریشینی سوره گنلر. جناب شهیدانی نینگ کوپیتیریشیچه، ایستکلریگه جمهور رییس تامانیدن دقت قیلینمسه، اولر ناراضیلیک لریگه دوام بیرهدی.
شونینگدیک بامیان نمایندهلریدن باشقه بیری محمد اکبری، مملکت اساسی قانونی نینگ تورتینچی مادهسیگه اشاره قیلیب، ملی حاکمیت خلقگه باغلیق بولیب و خلق نمایندهلری آرقهلی عملگه آشیریلهدی دیگن.
