بوگون «چهارشنبه» افغانستان مالیه وزیرلیگی‌نی گمرک‌لر و درآمد اورین باسری عبدالله رقیبی، قویاش 1398- ییل مالی بودجه‌سینی نماینده‌لر کینگشی گه ارایه قیلدی.
رقیبی گه کوره، 98- ییل مالی بودجه‌سی توپلم شکلده 399 میلیارد افغانی دیر و بو جمله‌دن 275 میلیارد افغانی عادی بودجه و باشقه 124 میلیارد افغانی رواجلنتیریش بودجه بولگن.
مالیه وزیرلیگی‌نی گمرک‌لر و درآمد اورین باسری‌نینگ ایتیشیچه، 98- ییل بودجه ریجه‌سیده حکومت‌نینگ اولویت‌لری خوفسیزلیک، آست قوریلمه، معارف، یخشی حکومتدارلیک، ایکینچیلیک و قیشلاقلرنی رواجلنتیریش بولگن و بو بولیم‌لرگه تیزیم شکلده 41%، 13%، 9% و 8% بودجه اختصاص بیریلگن.
اونینگ کوپه‌یتیریشیچه، کیلهجک ییل مالی بودجه حجتی‌ده نظرگه آلینگن کته پروژه‌لر برق، قیشلاقلرنینگ جاده‌لری و دولتی بنالر قیته قوریلیشی، ولایت‌لر و دارالامان اداری جمغرمه‌سی قوریلیشی، کابل‌ده ترانسپورت ساحه‌سینی رواجلنتیریش و تکمیللشتیریش، آسان خذمت پروژه‌سی، اخبارات تکنالوگیه‌لرینی رواجلنتیریش و سوو ییتکزیش سیستمه‌لریگه قیته‌تیکلش‌دن عبارت بولگن.
مالیه وزیرلیگی‌نی گمرک‌لر و درآمد اورین باسری‌نینگ اورغولشیچه، حکومت خصوصی بولیم‌نی کوچلنتیریب و تأثیرلی سرمایه یاتقزیب ایچکی درآمدنی کوپه‌یتیریش خصوصیده سعی و حرکت قیله‌دی.
شو توغریده…
1397- مالی ییل اورته بودجه ریجه‌سی تصدیق‌لندی
1397- ییل بودجه‌سی تصویب بولدی
نماینده لر کینگشی، 1397- ییل بودجه‌سی رد ایتیلیشی‌دن خبر بیره‌دی
قویاش 1398- ییل مالی بودجه‌سیده ایچکی درآمدلرنی آشیشی 188 میلیارد افغانی تخمین ایتیلگن و مقدار ایسه ملی بودجه‌نی کمیده 47% نی حمایه قیله‌دی.
مالیه وزیرلیگی مسؤوللری‌نینگ ایتیشیچه، 1398- ییل مالی بودجه ریجه‌سی دنیا معیارلری اساسیده، توزه‌لگن و بو ریجه‌ده مالی و دارایی احتمالی خطرلر تخمین ایتیلگن.
قانون اساسیده، بودجه نماینده‌لر کینگشی‌گه ارایه قیلینگنیدن سونگ، بو بودجه نماینده‌لر کینگشی‌نینگ کمیسیونلریده بحث گه آلینه‌دی و اوندن سونگ، تصدیق‌لنیشی اوچون آواز آلیش‌گه قوییله‌دی.
