.jpg)
بوگون (سه‌شنبه) کابل‌ده «سرمایه یاتقیزیش فرصتلری» نامی آستیده اوتکزیلگن ییغینده گپیرگن ایکینچیلیک وچارواچیلیک وزیری اسدالله ضمیر، بو وزیرلیک 12.5میلیون امریکالیک دالر بهاسیده مملکت‌ده سرمایه یاتقیزیش فرصتلرینی یره تگن دیگن. بونینگ 58% خصوصی تشبث‌کارلر آرقه‌لی و 42% ایسه ایکینچیلیک وزیرلیگی قیشلاقلرنی رواجلنتیریش لایحه‌سی آرقه‌لی تطبیق ایتیله‌دی دیدی وزیر.
پخته ایشلب چیقاریش وایپ ایگیریش اوچون 2 فابریکه، تاووق چیلیک اوچون 21 فارم و باشقه بیر قنچه لایحه‌لر تاجر اوچون یره تیلگن فرصتلردن دیگن جناب ضمیر.
مملکت ایکینچیلیک و چارواچیلیک وزیری، اوتگن ایکّی ییل ایچیده ایکینچیلیک و چارواچیلیک ساحه‌سیده سرمایه یاتقیزیش‌ده قیزیقیشی بولگن 55 شرکت رویخگه آلینگن دیگن.
چمه‌سی 567 میلیون افغانی بو بو ساحه‌ده سرمایه یاتقیزیلگن دیگن جناب وزیر. عین حالده، وزیرلیک«CARD-F»برنامه‌سی آرقه‌لی 14 ولایتده تاووقچیلیک، سبزوات، سوت محصولاتی، اوزوم، بال (عسل) پخته، انار و زعفران بولیملریده سرمایه یاتقیزگن لیگی توغریسیده عحلیده تاکید قیلگن.
