.jpg)
افغانستاننینگ تاریخی ولایتلریدن بیری، غزنویلر امپواتورلیگینینگ باشکینتی و 2013- ییل اوچون آسیاده دنیا تمدنی و مدنی باشکینتی غزنی ولایتی «موزیم» سیز دیر.
غزنی ولایتینینگ مدنیت و معلومات ریاستی باشلیغی بشیر محمدینینگ ایتیشیچه، حاضر اوشبو ولایتنینگ مدنیت و معلومات ریاستی انباریده مینگلرچه تاریخی اثر سقلنهدی. جناب محمدی، غزنیده موزیم قوریلیشی اوچون سعی و حرکتلر دوام ایتهیاتگنینی بیلدیرگن. بیراق ایتیشیچه، اوشبو ولایتده موزیم آچیلیشی اوچون امنیتی تهدیدلر جدی خواطرلردن بیری دیر.
غزنی 1350- ییللرده موزیم گه ایگه ایدی، بیراق ایریم دلیللر باعث، دروازهسی یاپیلدی. غزنی موزیمی 1350- ییللر آخریگچه هر کون کمیده 60 چیت ایللیک و 200 ایچکی سیاحتچی گه میزبانلیک قیلردی.
غزنی موزیمینی سابق ایشلاوچیلریدن بیری اسدالله جلالزینینگ ایتیشیچه، غزنی ولایتینینگ مدنیت و معلومات ریاستی انباریده سقلنهدیگن تاریخی اثرلرگه قیته تیکلهنیشی لازم و بو ایش مذکور ولایتنینگ مدنیت و معلومات ریاستی کوچیدن یوقاری دیر.
.jpg)
بیراق، غزنی مدنی فعاللریدن بیری محمدالله سریر، بو توغریده مدنیت و معلومات وزیرلیگینینگ دقت سیزلیککه عیبلب ایتیشیچه، مدنیت و معلومات ریاستینینگ کوچسیزلیگی سبب، بو ولایت موزیم سیز قالگن.
غزنی ولایتی 10 مینگ ییللیک تاریخ گه ایگه بولگن. غزنویلر و تیموریلرنینگ دوری اسلام دنیاسی، مدنی و عملی نقطه نظردن خاص اهمیت گه بولگن.
غزنویلر دوری مدنیت رواجلنیش دوری ایدی. اوشبو دور ده غزنی شهرینینگ بیر مینگ مکتبی بار ایکن.
علم و فلسفه بویوکلری، بیلیم دانلر، یازووچیلر و کته شاعرلر جملهدن ابوریحان بیرونی، حکیم ابوالقاسم فردوسی، ابوالفضل بیهقی، عبدالحی گردیزی، حکیم ابوالمج مجدود بن آم سنایی، هجویری، مسعود سعد سلمان، عنصری و فرخی سیستانی اوشه زمانده مدنیت رواجلنیشی و یوکسلیشی خصوصیده، اولکن رول اوینهگنلر.
مال الهند، کشفالمحجوب کتابلری و الباقیه اثرلری اوشبو دور دن قالگن تاریخی اثرلر دیر.
مذکور شهر محمود سبکتگین دوری ده مدنیت و اسلامی معارفنی پنجاب، لاهور و هندوستان گچه انتقال بیرگن. اوشبو دور دن کمیده 40 تاریخی بنا میراث قالگن.
