د ملي تدارکاتو اداره وايي، د ۲۶۰ قراردادونو له ډلې نه یې ۲۲ قراردادونه د شرایطو د نه پوره کولو له امله رد کړي دي.
دوی زياتوي، په دولتي بنسټونو کې د قراردادونو د روڼتیا له پاره دغه اداره د هغو شرکتونو ارزونه کوي، چې دولتي قراردادونه یې کړي.
د ملي تدارکاتو د پالیسي رییس مرتضی نن ( جون په ۷مه ) په یوې خبري غونډه کې وویل، چې دغه اداره به د دولتي بنسټونو د قراردادونو د ارزونې سره سم د ګټونکو شرکتونو قراردادونه هم و ارزوي.
د نوري په وینا تر دې مهاله پورې ۲۸ شرکتونه د دغې ادارې له خوا ارزول شوي، چې د هر اړخیزو څېړونو وروسته د ۵ شرکتونه قراردادونه له لیسته ایستل شوي دي.
د تدارکاتو ملي اداره په اونۍ کې یو ځلې د ولسمشر په مشرۍ د قراردادونو د ارزونې یو ناسته لري، چې په دې ناسته کې د ټولو وزارتونو قراردادونه ارزول کیږي او له ارزونې وروسته تائید او یا هم لغوه کیږي.
د تداروکاتو د ملي ادارې رییس یما یاري وايي، تر اوسه پورې ۲۶۰ قراردادونه د تدارکاتو ملي کمېټې ادارې ته رارسېدلي دي او له دې ډله نه ۱۱۰ یې ارزول شوي او د تائید وړ کرځيدلي دي.
یاري زیاته کړه، چې تېره ماښام یې د ۲۰ قراردادونو له ډلې نه ۱۷ د ملي دفاع وزارت قراردادونه، ۲ د پوهنې وزارت قراردادونه او د ټرانسپورت او هوايي چلند ارزول شوي دي.
د یاري په وینا د ټولو تائید او ارزول شویو قراردادونو ارزښت، چې د یادې کمېټې له خوا ارزول شوي دي ۳۹ میلیارده افغانیو ته رسیږي.
د ده په خبره د ۲۶۰ قراردادونو له ډلې نه یې ۲۲ قراردادونه د شرایطو د نه پوره کولو له امله رد کړي دي.
په ورته وخت کې د ملي تدارکاتو اداره وايي، چې له دې مخکې د ملي دفاع وزارت قراردادونه د فساد له امله لغوه شوي و، چې اوس هم د دې کمېسیون د څېړنې لاندې دي.
وړاندې تر دې ولسمشر غني د دفاع وزارت د سون توکو په قراردادونو کې د فساد له امله دغه قراردادونه ځندولي و.
د راپورنو پر بنسټ د ملي دفاع وزارت د سون توکو په قراردادونو کې په میلیونونه افغانۍ بډې اخیستل شوې وې.
