په افغانستان کې د ملګرو ملتونو سازمان سیاسي استازولي یا یوناما په خپل تازه يوه راپور کې ويلي چې په ۲۰۱۹ کال کې ۳ زره او ۴۰۳ ملکيان وژل شوي او ۶ زره او۹۸۹ نور ټپيان شوي دي.
د يوناما د موندنو پر بنسټ په ۲۰۱۹ کال کې د ملکيانو مرګژوبله ۵ سلنه کمه شوې ده؛ خو د طالبانو له لوري د ملکيانو مرګژوبله ۲۱ سلنه او د نړيوالو امنيتي ځواکونو له لوري ۱۸ سلنه ډېره شوې ده.
له يوناما په خپره شوې خبرپاڼه کې افغانستان لپاره د ملګرو ملتونو د سرمنشي ځانګړي استازي تاداميچي یاماماتو له قوله ليکل شوي چې په افغانستان کې نږدې هېڅ یو ملکي وګړی د روان تاوتریخوالي له زیانونو خوندي نه دی پاتې شوی.
نوموي زیاته کړې: «د ملکي وګړیو ژوند باید وساتل شي او ټولو خواوو لپاره اړینه ده چې د جګړې د درولو لپاره فرصت له لاسه ورنهکړي.»
دا په داسې حال کې ده چې په تېرو ۱۸ کلونو کې جګړو ډېری د ملکيانو ژوند اخيستی دی. د يوناما د تازه راپور پر بنسټ دا شپږم کال دی چې د ملکيانو د مرګژوبلې شمېرې له ۱۰ زرو ډېرېږي.
اړوند مطالب:
یوناما: له تېرو ۱۰ کلونو راهیسې له ۱۰۰ زرو ډېرو ملکیانو ته مرګژوبله اوښتې
یوناما: د ملکي مرګژوبلې پر وړاندې بېغوري ټکان ورکوونکې ده
یوناما: د ملکي وګړیو تلفاتو کې ۱۱ سلنه زیاتوالی راغلی
