افغانستان بوییچه بیرلشگن ملتلر تشکیلاتی باش کاتبی نینگ خاص نماینده‌سی دیبرا لاینز، خلق‌ارا مطبوعات ایرکین‌لیگی کونی مناسبتی بیلن بیر اعلامیه آرقه‌لی ایتیشیچه، افغانستان ده مطبوعات کم وقت ایچیده کوپ رواجلنگن و هیچ کیم گه مطبوعات ایرکین‌لیگی توغریسیده‌گی بو کتته یوتوق نی تهدید قیلیش گه رخصتی بیریلمه‌سی کیره‌ک.
اعلامیه‌ده کیلیشیچه، افغانستان رسانه‌لری تنوع و رواجله‌نیش نقطه‌ی نظردن آسیا جنوبی نینگ مدنیت‌لی مملکت‌لریدن بیری دیر.
دیبار لاینز نینگ ایتیشیچه، هرقندی تینچلیک سوزلشوولریده برچه تامانلر مطبوعات ایرکین‌لیگی توغریسیده برچه انسانی حقلرگه توجه قیلیش‌لری کیره‌ک.
اونگه کوره، بیرلشگن ملتلر تشکیلاتی مطبوعات ایرکین‌لیگی نینگ تینچلیک سوزلشوولری نی اونملی بیر بولیمی صفتیده سقله‌نیشی توغریسیده اورغوله‌یدی.
میلادی 3- می دنیا ده خلق‌ارا مطبوعات کونی صفتیده نشانلنه‌دی.
