بامیانده 24 یاشر بیر عیال نماینده‌لر کینگشی‌نینگ سیلاویده اشتراک قیلگنی باعث، تورموش اورتاغی (اِیری) تامانیدن کلتک‌لنگن.
عزیزه احمدی‌نینگ ایتیشیچه، سیلاو کونیده تورموش اورتاغی (اِیری) اوندن پول بدلی‌ده خاص بیر نامزدگه آواز بیریشی‌نی ایسته‌گن، بیراق او، اوزی ایسته‌گن و نماینده‌لیک ظرفیتی بولگن باشقه بیرنامزدگه آواز بیرگن. عزیزه نینگ سلام‌وطندارگه ایتیشیچه، عیاللرنینگ هم سیله‌ش و تنلش گه حقی بار و بو حق اولردن آلینمه‌سی کیره‌ک.
عزیزه اوچ کوندن بویان عیاللر ریاستی حمایتی آرقهلی بیر اویگه تیریکچیلیک قیلهدی. او دولتدن آواز سوداگرلری بیلن جدی صورتده، یول باریشینی سورهیدی.
بامیان قطار فعال عیاللرنینگ ایتیشیچه، مذکور ولایتده کوپینچه عیاللرنینگ تینگلش اوچون ایرکینلیگی یوق و ایرککلرنینگ ایستهگی اساسیگه آواز بیرهدیلر.
بامیان ولایتینینگ عیاللر ریاستی باشلیغی کریمه سالکنینگ اوشبو واقعهنی تصدیقلب ایتیشیچه، عزیزه نیچه کون آلدین اوشبو ادارهگه مراجعت قیلیب تورمش اورتاغی(اِیری) تامانیدن کلتکلنگنی دن خبر بیرگن ایدی. خانم سالکنینگ ایتیشیچه، بامیان عیاللر ریاستی بوتون تهدیدلرگه قرشی عزیزه دن حمایت قیلهدی.
بیراق عزیزه نینگ تورمش اورتاغی(اِیری) بهمننینگ اوشبو ادعالرنی رد قیلیب ایتیشیچه، آواز بیریش سیر دیر و هرکیم ایسته‌گن نامزدگه آواز بیرهآلهدی. بهمننینگ ایتیشیچه، تورمش اورتاغی(خاتون) نی یخشی کورهدی و اونینگ قیینچیلیگی ایناغیسی نینگ تورمش اورتاغی(خاتون)نی بیلن.
بامیان ولایتینینگ عیاللر ریاستی مسووللری، عیاللرگه قرشی زورهوانلیکلر کوپهیشیدن خواطر بیلدریب و اوتکن ییلده 135 زورهوانلیک واقعهسی ثبت ایتیلگن ایدی، بیراق اوشبو ارقام جاری ییل بیرینچی 7 آی ده 150 واقعهگه ییتیشگن دیدیلر.
بامیان ولایتینینگ عیاللر ریاستی رسمیلریگه کوره، عایلهلرنینگ اقتصادی قیینچیلیگی و ایش سیزلیکلر عیال لرگه قرشی زوهوانلیکنینگ کوپهیشیگه سبب بوله‌دی.
