بوگون "پنجشنبه" جمهورلیک ریاستی سیلاوی نامزدلرینینگ رویخطگه آلیش لایحهسی رسمی شکلده باشلندی.
عبداللطیف پدرام، جمهورلیک ریاستی سیلاویده نامزد عنوانیده آتینی رویخط گه یازدیرگن بیرینچی کیشی دیر.
جناب پدرامنینگ بیرینچی اورین باسری احسانالله حیدری و ایکینچی اورین باسری ایسه محمدصادق وردک دیر.
عبدالحکیم تورسن هم بوگون "پنجشنبه" جمهورلیک ریاستی سیلاویده اوزنی نامزد قیلیش اوچون سیلاولر ایرکین کمیسیونیگه بارگن؛ بیراق اورین باسرلریدن بیرینینگ یوقلیگی باعث آتینی رویخط گه یاز دیرمهگن.
سیلاولر ایرکین کمیسیونی معلوماتی گه کوره، حاضرگهقدر 73 کیشی جمهورلیک ریاستی سیلاوینینگ معلوماتی بسته سیگه قول تاپگن و اوشبو لایحه جدی آی نینگ اداغی گهقدر دوام تاپهدی.
سیلاولر ایرکین کمیسیونی تامانیدن اعلان ایتیلگن تقویم گه کوره، جمهورلیک ریاستی، تومنلر کینگشی، ولایتی کینگش و غزنی ولایتینینگ نمایندهلرکینگشی سیلاوی کیلهجک ییل 29 سرطانگه یولگه قوییلهدی.
