مملکتده کرونا ویروسی کوپه‌یگنیدن سونگ، کابل و باشقه بیرقطار شهرلرده نیازمند عایله‌لرگه قوروق نان ترقه‌تیش ریجه‌سی جمهورلیک ریاستی تامانیدن عملگه آشیریلدی، بیراق یشاوچی‌لر مذکور ریجه‌ده فساد موجود بولگنیدن شکایت قیلگن‌لر.
بوگون "چهارشنبه" بلخ یشاوچی‌لری بیر اعتراض آرقه‌لی، قوروق نان ترقه‌تیش جریانیدن تنقید قیلگن‌لر. اعتراضچی‌لرنینگ ایتیشیچه، بلدیه و ناحیه‌لرنینگ مسوول‌لری قوروق نان ترقه‌تیش کارت‌لرینی نیازمند بولمه‌گن کیشی‌لرگه ساته‌دیلر.
بیراق، مزارشریف بلدیه‌سی باشلیغی عبدالحق خرمی نینگ ایتیشیچه، قوروق نان ترقه‌تیش کارت‌لرنی ساتیش اوچون هیچ‌کیم‌نی حقی یوق و مذکور کارت‌لر رایگان شکلده نیازمند عایله‌لرگه بیریله‌دی.
شونینگدیک، کابل یشاوچی‌لری هم نیازمند عایله‌لرگه قوروق نان ترقه‌تیش جریانیدن تنقید قیلیب و بو ریجه‌نی قابل قبول بیلمه‌یدیلر.
کابل بلدیه‌سی سوزلاوچیسی نرگس مومند نینگ مذکور ریجه‌گه قرشی بیرقطار قیین‌چیلیک‌لر بولگنی‌نی تصدیق‌لب ایتیشیچه، اوشبو قیین‌چیلیک‌لر حل قیلینیشی اوچون کابل بلدیه‌سی تامانیدن 3 کیشی‌لیک کینگش ایجاد ایتیلگن.
ننگرهار یشاوچی‌لری هم قوروق نان نینگ عادلانه شکلده توزیع قیلینمه‌گنیدن شکایت قیلگن‌لر. اولرنینگ ایتیشیچه، بلدیه مسوول‌لری و ناحیه‌لرنینگ وکیل‌لری نان کارت‌لرینی یقین‌لریگه بیرگن‌لر.
ننگرهار حاکمی سوزلاوچیسی عطاالله خوگیانی نینگ ایتیشیچه، اوشبو اداره، مذکور پروسه‌دن نظارت قیلیش بیلن نیازمند عایله‌لرنی پوشش آستیگه قرار بیریش اوچون سعی و حرکت قیله‌دی.
قندوز یشاوچی‌لری هم دولت مسوول‌لریدن قوروق نان ترقه‌تیش جریانیدن نظارت قیلیش‌لرینی سوره‌گن‌لر.
قندوز حاکمی سوزلاوچیسی عصمت‌الله مرادی نینگ سلام‌وطندارگه ایتیشیچه، کونده 116 مینگ و 500 نیازمند کیشی نان توزیع قیلینه‌دی، بیراق نیازمند عایله‌لرنینگ سانی کوپ دیر.
شونینگدیک، هرات یشاوچی‌لری قوروق نان ترقه‌تیش جریانگه شبهه‌لی دیر و دولت مسوول‌لریدن اوشبو جریاندن نظارت قیلیش‌لرینی سوره‌یدی‌لر.
