یاروغلیک حرکتی مردمی کینگشی حکومتدن 6 میزانده بوله‌دیگن اعتراضلر امنیتی یخشیلب تأمینلشینی سوره‌گن.
میزان 6 سیده ینه بیر بار یاروغلیک حرکتی اعتراضی نمایشلرینی اوتکزه‌دی.
جاری ییل 2 اسد ده یاروغلیک حرکتی اعتراضلری پارتلاوچی شخص هجومی‌گه قالدی و کابل دهمزنگ تورت یولیده 80 دن آرتیق اعتراضچیلر عالمدن اوتیشی بیلن اوشبو حادثه مملکت بویلب قانلی ناراضلیک دیب اته‌لدی.
یاروغلیک حرکتی مردمی کینگشی کابل‌ده اوتکزگن چهارشنبه کونگی خبری انجمنده تأکید قیلیشلریچه، اعتراضچیلر امنیتی تأمین ایتیلیشیگه آلدینکی دیک توجه سیزلیک بولمس‌لیگی لازم.
یاروغلیک حرکتی بلند مرتبه‌لی رسمیلریدن داوود ناجی نینگ ایتیشیچه، ایچکی ایشلر وزیرلیگی، جمهور رییس نینگ ملی امنیت مصلحتچیسی، ملی امنیت عمومی باشلیغی، کابل گارنیزیونی و پولیس رسمیلری 6 میزانده بوله‌دیگن اعتراضلر امنیتی مسأله‌لریگه مسؤول دیب معلوم قیلینگن.
یاروغلیک حرکتی مردمی کینگشی اعلامیه صادر قیلیشی بیلن بیرلشگن ملت‌لر سیاسی تشکیلاتی نماینده‌سی و کیسکین حمایوی کوچلردن ایسته‌یدی تا اعتراضچیلر امنیتی یخشی تأمینلنیشی اوچون حکومتنی باسیمگه آلسینلر.
کینگشنی آگاهلنتیریشیچه، 6 میزان اعتراضی پولیس و باشقه امنیتی ارگانلر تامانیدن خشونتگه ایلنگن صورتده، اونی چیده‌ش ناممکن و حتی کیلگوسی یمان بوله‌دی.
شو بیلن بیرگه کابل پولیسی نینگ مطبوعات باشلیغی بصیر مجاهدنینگ سلام‌وطندارگه ایتیشیچه، قانون چارچوبه سیده بولگن مدنی حرکتلر پولیس تامانیدن حمایت قیلینه‌دی.
اونگه کوره، یشاوچلرنینگ مدنی اعتراضلری و ییغینلری امنیتی تأمین ایتیلیشیگه کابل پولیسی امین.
یاروغلیک حرکتی مردمی کینگشی 6 میزاننی اوشبو حرکت جهانی مظاهره‌سی دیب اعلام قیلگن و ایتیشلریچه، بو تظاهراتلری بیلن خلق ارا جوامع‌سی و دنیاگه حربی و اقتصادی حمایت قیله‌دیگن دولتلری یشاوچلرگه قرشی تبعیض‌نی روا کوره‌دی و مدنی اعتراضلرینی قتغن قیله‌دی.
یاروغلیک حرکتی رسمیلریگه کوره، جهانی جامعه‌سی افغانستانده حمایت قیلیب تورگن دولت، دموکراسی و دایمی یوکسه‌لیش باره‌سیده بوله‌دیگن تشقی مالی یاردم‌لرنی تالان قیلیشینی بیلیشی لازم.
یاروغلیک حرکتی مردمی کینگشی نهادلر و مدنی فعاللرنینگ حکومت بیلن مذکور حرکت اعضالری بیرلشگن ملت‌لر تشکیلاتی اره‌چیلیگی بیلن مذاکره قیلیشلرینی خوش قرشیلیدی و بوباره ده صحبت قیلیشگه تیار گرلیکلرینی کورستگن.
