افغانستانده ییتکرمهلر فعالیتی بیلن مشغول تشکیلات (نی) ادارهسی نینگ یقینده آلیب بارگن سوراوویده مملکت خلقی نینگ 91.5% انترنیت خذمتلریدن ناراضیلیک بیلدیرگن.
اوشبو فکر اورگهنیش بامیان، کابل، هرات، کاپیسا، قندهار و لغمانده اوتکزیلگن.
نی اجراییه رییسی مجیب خلوتگر، افغانستان انترنیت خذمتلری بولیمیده یخشی آلغه سیلجیگنلیگیگه قرهمهی، لیکن هنوز هم اهالی انترنیت خذمتلرینینگ صفتی یوقلیگیدن شکایت ایتیب کیلماقدهلر دیگن. جناب خلوتگر حکومتدن بو توغریده جدی اعتبار بیریشنی طلب قیلگن.
مذکور فکر اورگهنیشده فقط 8.5% اهالی انترنیت خذمتی نینگ صفتی همده نرخیدن راضیلیک بیلدیرگنلر.
اما، افغانستان مخابرات و تکنالوژی وزیرلیگی نینگ سوزلاووچیسی، انترنیت نرخی اوتگن ییللرگه قرهگنده ارزان بولگن دیدی. اونینگ سوزلریگه کوره، وزیرلیک نینگ ایشلب چیقارهجک ینگی برنامهسی اساسیده انترنیت نرخی ارزان بولیشی نظرده توتیلگن.
بوندن آلدینلر هم مملکت اهالیسی نیچه مرته خصوصی شرکتلر تامانیدن بیریله دیگن انترنیت خذمتلری کوچ سیزلیگی حقیده شکات قیلگن ایدیلر.
