هییت کونلری و عرهفهسیده بالهلر تامانیدن پارتلاوچی ماده، فشنگ و آتیشلی مادهلردن فایدهلنیش میزانی آشهدی، بیراق بو ایش باشکینت یشاوچیلریدن بیرقطاری نینگ خواطری گه سبب بولهدی.
کابل یشاوچیلریدن بیرقطاری نینگ ایتیشیچه، افغانستان کبی اوروش دوام ایتیب کیلهیاتگن مملکتده هییت کونلریده پارتلاوچی ماده و فشنگ دن فایدهلنیش مالی زیانلرگه علاوه اهالی آرهسیده قورقینچ ایجاد قیلیب و اولرنینگ روحی گه سلبی تأثیر قویهدی.
کابل یشاوچیلری، ایچکی ایشلر وزیرلیگی دن بو مسئله توغریسیده دقت قیلیشی نی سورهیدی.
بیراق، ایچکی ایشلر وزیرلیگی سوزلاوچیسی نصرت رحیمی نینگ ایتیشیچه، پارتلاوچی ماده و فشینگ ساتووچیلر و شونینگدیک، بو مادهلردن فایدهلنووچیلر و یا-ده شادیانه اوق آتووچیلر قانون اساسیده تیرگاوگه آلینهدی.
گرچنده هر ییل ایچکی ایشلر وزیرلیگی هییت کونلری و نوروز کبی خاص مناسبتلرده پارتلاوچی ماده، فشنگدن فایدهلنیش و شادیانه اوق آتووچیلر آلدی آلینیشی توغریسیده سعی و حرکت قیلینیشی دن خبر بیرهدی؛ بیراق عملده بو مسئلهلرگه اونچهلیک دقت قیلینمهیدی.
