گلالی 7 ییل آلدین عایله اعضالریدن 5 ته‌سی بیلن بیرلیکده نیمروز چیگره‌سیدن اوتیب ایران‌گه بارگن. او 6 آی ایرانده حیات کیچیرگنیدن سونگ، ترکیه آرقه‌لی اروپا باریش مقصد ده یولگه چیقگن، بیراق 1 یریم یاشر قیز باله‌سی ناقانونی مهاجرلیک یولی‌ده جان بیرگن و گلالی قیته‌دن افغانستان‌گه کیلگن.
گلالی نینگ ایتیشیچه، قیزینی جسدی سوو یوزیگه چیقدی، بیراق او و باشقه یولاوچی‌لری باله‌سینی قوتقریش اوچون سعی و حرکت قیلمه‌دی.
گلالی نینگ ایتیشیچه، حقیقی تینچلیک اوز اولکه‌سیگه دیر، «بیراق کیچ بیلدیم.»
گلالی ناقانونی مهاجرلیک‌که باله‌سینی قولدن بیرگن یوزلرچه عایله‌لردن بیری دیر.
ییلده مینگ‌لرچه عایله ناقانونی مهاجرلیک آرقه‌لی یولگه چیقه‌دی، بیراق میزبان مملکت‌لرنینگ ناتوغری حرکت‌لری و مهاجرلیک قیین‌چیلیگی هردایم اولرنینگ هجرت‌دن پشیمان قیلگن موضوع‌لردن دیر. مهاجر بولگن عایله‌لردن بیرقطاری یمان شرایط ده میزبان مملکت‌لرده حیات کیچیریش‌نی قبول قیله‌دی و یا-ده زوردن افغانستان‌گه سورگون ایتیله‌دیلر.
نیمروز ولایتی بوییچه قاچقین‌لیک اداره‌سی باشلیغی میرویس عرب نینگ ایتیشیچه، جاری قویاش ییل باشلنگنیدن حاضرگه‌قدر 4330 عایله ایران اولکه‌سیدن نیمروزگه کیلگن.
عین‌حالده، بیلیم یورت اوقیتووچی‌سی سیدمحمد فقیری نینگ ایتیشیچه، ناقانونی مهاجرلیک عایله‌لرگه زیان ییتیشتیره‌دی و اجتماعی نقطه نظردن مملکت‌لر آره‌سیده قیین‌چیلیک یره‌ته‌دی.
ایش‌سیزلیک، کم‌بغللیک و ناتینچلیک ناقانونی مهاجرلیک‌که سبب بولگن موضوع‌لردن دیر. اوشبو قیینچ‌لیک حاضرده مملکت‌ده موجود، بیراق کوپ قطار قیتیب کیلگن مهاجرلر خرسند کورینه‌دیلر.
گلالی نینگ مهاجرلیگی‌دن 7 ییل اوتماقده، بیراق حاضرده هم باله‌سینی قولدن بیریش قیغوسینی ایسدن چیقارمه‌یدی. اونینگ ایتیشیچه، حاضرده حیاتی یخشی‌لنگن و هیچ‌بیر زمان ناقانونی شلکده مهاجرلیک قیلمه‌یدی.
افغانستان غربی‌ده جای‌لشگن ولایت‌لر جمله‌دن نیمروز ولایتی ایران بیلن چیگره‌داش دیر و بو ولایت سونگی ییللرده کوپ قطار مهاجرلرنی اوز مملکت‌لریگه قیتیب کیلیشی‌گه گواه بولگن. ترکیه و ترکیه آرقه‌لی اروپا باره‌دیگن مهاجرلر ناقانونی شکلده بو ولایتدن ایران مملکتی‌گه باره‌دی و گاه‌گاهی ایران پولیسی تامانیدن سورگون ایتیله‌دیلر.
